Bakı şəhəri, Binəqədi rayonu, Biləcəri qəsəbəsində yerləşən "Ağ Saray" şadlıq sarayında toy zamanı oğurluq edən şəxs həbs olunub.

BAKU.WS qaynarinfo-ya istinadən xəbər verir ki, 2002-ci il təvəllüdlü C.F. saxlanılıb və barəsində İnzibati Xətalar Məcəlləsinin 227-ci maddəsi ilə protokol tərtib edilib. İşə məhkəmədə baxılıb.

Məlum olub ki, təqsirləndirilən şəxs "Ağ Saray"da toyda olan zaman masanın üzərindən Əlihüseyn Kərimova məxsus "Honor" markalı mobil telefonu oğurlayıb və qaldığı hostelə gedib. O, həmin telefonun "WhatsApp" tətbiqinə daxil olub, sahibinin adından borc pul istəyib, öz kartına 230 manat pul göndərtdirib.

Bundan sonra telefonu sındıraraq atıb. C.F. ələ keçirdiyi pulu şəxsi ehtiyacları üçün xərcləyib və ümumilikdə zərərçəkmişə 500 manatdan artıq ziyan vurub.

Məhkəmənin hökmü ilə C.F. İnzibati Xətalar Məcəlləsinin 227-ci maddəsində nəzərdə tutulmuş inzibati xətanı törətməkdə təqsirli bilinib və 23 gün müddətinə həbs edilib.

Oxşar xəbərlər

Bu gündən avtobus və metroda gedişhaqqı 60 qəpik oldu

HONOR brendinin 5 illiyi və inkişaf strategiyası təqdim olundu

Bir sıra heyvan kəsimi və ət satışı məntəqələrində nöqsanlar aşkarlanıb

“HONOR”, IFA 2024-də rekord qıran “HONOR Magic V3” ilə gələcəkdə yeni imkanlara qapı açır

HONOR süni zəka əsaslı ekosistemə keçid strategiyasını təqdim edib