Emil Məmmədov: "Bu il Şərq istiqaməti Orta Dəhlizin inkişafında növbəti mərhələ olacaq"
Far.Az xəbər saytı

Emil Məmmədov: "Bu il Şərq istiqaməti Orta Dəhlizin inkişafında növbəti mərhələ olacaq"


"2026-cı il ərzində Şərq istiqamətində daşıma Orta dəhlizin inkişafında növbəti mərhələdir".

Bu sözləri "Azərbaycan Dəmir Yolları" (ADY) QSC sədrinin müşaviri Emil Məmmədov sosial şəbəkə hesabında yazıb.

E.Məmmədov bildirib ki, son bir neçə il ərzində Azərbaycan Dəmir Yollarında (ADY) çalışaraq Orta Dəhlizi konsepsiya mərhələsindən real əməliyyat səviyyəsinə keçirməyə nail olub.

"Qərb istiqamətində daşımalar ildən-ilə artır və bu artım artıq konkret addımlara əsaslanır: "Middle Corridor Multimodal" birgə müəssisəsi (MCM) vasitəsilə koordinasiya, Bakı-Tbilisi-Qars dəmir yolu üzrə buraxılış qabiliyyətinin genişlənməsi, vaqon və konteyner parkının artırılması, Xəzər dənizi üçün yeni konteyner gəmilərinin inşasına başlanması, eləcə də liman və infrastrukturun davamlı şəkildə təkmilləşdirilməsi".

Müşavir qeyd edib ki, 2026-cı ilə baxışda əsas çağırış artıq qərb istiqamətinin miqyası deyil, sabit və proqnozlaşdırıla bilən şərq istiqamətli daşımaların formalaşdırılmasıdır.

"Məhz bu mərhələdə Avropa tərəfdaşlarının rolu həlledici olur. Beynəlxalq sərgilər, beynəlxalq səfərlər və HHLA, "Rhenus Logistics", "DB Cargo", MSC və "Rail Cargo Group" kimi aparıcı şirkətlərlə aparılan mütəmadi işgüzar dialoq Orta Dəhlizə olan real və artan marağı açıq şəkildə göstərir. 2026-cı il bu marağı şərq istiqamətli real həcmlərə çevirməyin ilidir. Əsasən bir istiqamətli dəhlizi iki istiqamətli tələbat modelinə gətirmək zamanıdır".

Emil Məmmədov:

Oxşar xəbərlər

Leyla Əliyeva və Arzu Əliyeva Qaxda Axar-Baxar Milli Parkının açılış mərasimində iştirak ediblər
Prezident İlham Əliyev Xankəndi şəhərində Zəfər parkının açılışında iştirak edib
Azad edilmiş ərazilərdə bu ilin birinci yarısında 840 yeni iş yeri yaradılıb
Azərbaycan Prezidenti İlham Əliyev yerli televiziya kanallarına müsahibə verib - TAM MƏTN
Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2

Ən son xəbərləri bizim

"Facebook" səhifəmizdə izləyin

Digər xəbərlər