Salyan rayonunda kişi sevgilisini döyüb.

BAKU.WS Oxu.Az-a istinadən xəbər verir ki, hadisə rayonun Qaraçala qəsəbəsi ərazisində baş verib. Salyan rayon sakini, 1993-cü il təvəllüdlü Əbülfəz Məmmədov (soyadı şərtidir) Qaraçala qəsəbəsində bir qadınla tanış olub və aralarında sevgi münasibətləri yaranıb.

Bir müddət sonra qadın Əbülfəz Məmmədova zəng etsə də, o, iki gün ərzində telefon zənglərinə cavab verməyib. İki gündən sonra kişi qadının evinə gəlib. Qadın ona zənglərə cavab verməməsini irad tutub və nəticədə tərəflər arasında mübahisə yaranıb. Mübahisə dava-dalaşa çevrilib, Əbülfəz Məmmədov qadını yumruq zərbələri ilə döyüb, daha sonra isə onun qolunu dişləyib.

Hadisədən sonra qadın polisə müraciət edib. Əraziyə polis əməkdaşları gəliblər və Ə.Məmmədov saxlanılıb. Faktla bağlı cinayət işi başlanıb və materiallar məhkəməyə göndərilib.

Salyan Rayon Məhkəməsinin hökmü ilə Əbülfəz Məmmədova 1 il 11 ay müddətinə azadlığın məhdudlaşdırılması cəzası təyin edilib və onun barəsində elektron qolbaq tətbiq olunub.

Oxşar xəbərlər

Lənkəranda qandonduran HADİSƏ – Ana isti qaşıqla 3 yaşlı qızının qolunu DAĞLADI

Doğulanda atası 40 qoyun kəsdirdi, anası bəzəndi deyə onu döydü - Reanimasiyada olan Fatih Ürek haqqında BİLİNMƏYƏNLƏR

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2