Ağ çörək, ağ düyü, tortlar və şirin qazlı içkilər 50 yaşdan sonra xərçəng xəstəliyinin inkişaf riskini artıra bilər.

BAKU.WS xəbər verir ki, bunu onkoloq Priti Subhedar İspaniyanın "20minutos" nəşrinə müsahibədə bildirib.

Onun sözlərinə görə, bu məhsullar qanda qlükoza səviyyəsinin kəskin yüksəlməsinə səbəb olur, insulin və insulinəbənzər böyümə faktoru-1 (İBF-1) hormonunun ifrazını stimullaşdırır. Sözügedən hormon hüceyrə bölünməsinin tənzimlənməsində iştirak edir və onun uzunmüddətli yüksəlməsi şiş hüceyrələrinin nəzarətsiz çoxalması riskini artırır.

Onkoloq əlavə edib ki, raffinə olunmuş karbohidratlar xroniki iltihabi proseslərin yaranmasına və hüceyrələrə, eləcə də DNT-yə zərər vuran sərbəst radikalların artmasına səbəb olur. Həkimin sözlərinə görə, 50 yaşdan sonra baş verən metabolik və hormonal dəyişikliklər orqanizmin bu cür təsirlərə həssaslığını artırır və bu səbəbdən qidalanma onkoloji xəstəliklərin profilaktikasında daha böyük əhəmiyyət kəsb edir.

Alternativ olaraq Subhedar qida rasionunun tam taxıllı məhsullar, tərəvəz və meyvələr, paxlalılar, faydalı yağ mənbələri və az yağlı zülallardan formalaşdırılmasını tövsiyə edir. Bu cür qidalanma qan şəkərinin sabit qalmasına, iltihabi proseslərin azalmasına və hüceyrələri zədələrdən qoruyan antioksidantlarla orqanizmin təmin olunmasına kömək edir.

Həkim vurğulayıb ki, söhbət müəyyən məhsullardan tam imtinadan deyil, onların gündəlik rasiondakı payının azaldılmasından gedir. Bu yanaşma onkoloji risklərin uzunmüddətli azaldılması strategiyasının bir hissəsi kimi qiymətləndirilməlidir.

Oxşar xəbərlər

Vətən müharibəsində Qələbənin beşinci ildönümünə həsr olunmuş Hərbi parad keçirilib

Ağsu dolaylarındakı son durum: Sürüşmə riskini azaltmaq üçün tədbirlər görülür

Turistlərin diqqətini cəlb edən minlərlə hektar düyü terrasları - Bali adasından REPORTAJ

Balıkesirdəki zəlzələ zamanı 25 bina zərər görüb

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN