Səfərbərlik və Hərbi Xidmətə Çağırış üzrə Dövlət Xidmətinin (SHXÇDX) Nizami Rayon İdarəsinin Çağırış şöbəsinin baş zabiti vəzifəsində işləmiş Hümbət Nəbiyevin barəsindəki hökmdən yenidən kassasiya şikayəti verilib.

Far.Az Pravda.az-a istinadən xəbər verir ki, şikayət Ali Məhkəmədə araşdırılacaq.

Hümbət Nəbiyevi Baş prokuror yanında Korrupsiyaya qarşı Mübarizə Baş İdarəsi saxlayıb.

İttihama görə, o, qeyd olunan vəzifədə işləyərkən vətəndaşdan müvəqqəti olaraq möhlət hüququnun, həmçinin dinc dövrdə həqiqi hərbi xidmətə yararsız, müharibə dövründə məhdud yararlılığına dair hərbi biletin verilməsi müqabilində rüşvət tələb edib.

Hümbət Nəbiyev Cinayət Məcəlləsinin 311.3.3 (qabaqcadan əlbir olan bir qrup şəxs tərəfindən təkrar və külli miqdarda rüşvət alma) maddəsi ilə ittiham edilib.

Bakı Hərbi Məhkəməsinin hökmü ilə H.Nəbiyev 8 il müddətə azadlıqdan məhrum edilib.

Qeyd edək ki, bir müddət əvvəl Nəbiyev kassasiya şikayəti versə də, onu geri götrmüşdü. İndi o, bu instansiya üzrə təkrar müraciət edib.

Oxşar xəbərlər

Məhkəmə külli miqdarda rüşvət almaqda təqsirləndirilən sabiq hərbi komissarı azadlığa buraxıb

Çağırışçılardan rüşvət almaqda təqsirləndirilən sabiq komissara ittiham elan edildi

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

Bakıda Baş Prokurorluğun ƏMƏLİYYATI: İdarə rəisi və işçiləri saxlanıldılar

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN