ABŞ Prezidenti Donald Tramp Ukraynada münaqişənin nizamlanması istiqamətində mühüm irəliləyişin əldə olunduğunu açıqlayıb.

Far.Az xəbər verir ki, bu barədə o, Davosda "Sülh Şurasının Nizamnaməsi"nin imzalanma mərasimində çıxışı zamanı danışıb.

"Biz görüşlər keçiririk və bizim fikrimizcə, bu prosesdə böyük irəliləyiş var", - deyə ABŞ lideri bildirib.

Tramp əlavə edib ki, Ukrayna münaqişəsinin yaxın vaxtlarda həll olunacağına ümid edir.

O xatırladıb ki, ABŞ indiyədək səkkiz münaqişənin həllinə nail olub və yaxın zamanda daha birinin başa çatdırılacağına əminliyini ifadə edib.

Ağ Ev rəhbəri qeyd edib ki, əvvəlcə Ukraynada sülhə nail olmağın asan olacağını düşünürdü. Lakin onun sözlərinə görə, praktiki baxımdan bu münaqişə ən mürəkkəb qarşıdurma olaraq ortaya çıxıb.

Yanvarın 21-də Davosda keçirilən Beynəlxalq İqtisadi Forumda çıxışı zamanı Tramp həm Rusiyanın, həm də Ukraynanın sülh sazişi imzalamaq istədiyini bildirib. Bununla yanaşı, ABŞ Prezidenti vurğulayıb ki, əgər tərəflər buna razı olmasalar, axmaq vəziyyətinə düşəcəklər.

Tramp həmçinin dəfələrlə səsləndirdiyi fikri bir daha təkrarlayıb: "Rusiya münaqişənin həllinə hazır olanda Ukrayna buna hazır olmur, Ukrayna hazır olanda isə Rusiya tərəfi razılıq vermir. Qarşıdurmanın uzanmasına Rusiya və Ukrayna prezidentləri arasındakı qarşılıqlı antipatiya da ciddi təsir göstərir".

Oxşar xəbərlər

Leyla Əliyeva və Alyona Əliyeva mükafatlandırma mərasimində iştirak ediblər

Leyla Əliyeva və Arzu Əliyeva Qaxda Axar-Baxar Milli Parkının açılış mərasimində iştirak ediblər

Prezident Davosda "Avrasiyanın iqtisadi özünəməxsusluğunun müəyyənləşdirilməsi" mövzusunda panel iclasında iştirak edib

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN