Azərbaycan Milli Elmlər Akademiyasının Məhəmməd Füzuli adına Əlyazmalar İnstitutunun yerləşdiyi bina 1898-1901-ci illərdə tanınmış milyonçu və xeyriyyəçi Hacı Zeynalabdin Tağıyev tərəfindən Qızlar məktəbi kimi inşa etdirilib.

Far.Az PhotoStock.az-a istinadən xəbər verir ki, binanın layihə müəllifi 1892-1904-cü illərdə Bakının baş memarı olmuş İosif Qoslavskidir.

Orta əsrlər Şərq memarlığının ən gözəl elementlərini özündə birləşdirən bu binada 1915-ci ilin sentyabrından etibarən pedaqoji kurslar fəaliyyətə başlasa da, iki il sonra yaranmış iqtisadi çətinliklər səbəbindən fəaliyyət dayandırılıb.

1918-ci il dekabrın 7-də Tağıyevin Qızlar məktəbinin binasında Azərbaycan Xalq Cümhuriyyəti Parlamentinin təntənəli açılış mərasimi keçirilib. Elə həmin il Cümhuriyyətin ilk dövlət bayrağı da məhz bu binada qəbul edilib.

Sovet hakimiyyəti qurulduqdan sonra Azərbaycan SSR Ali Soveti uzun müddət bu binada fəaliyyət göstərib. 1920-1937-ci illərdə görkəmli mütəfəkkir, şair-dramaturq Hüseyn Cavid binanın üçüncü mərtəbəsində yaşayıb.

1982-ci ildən etibarən isə bina Azərbaycan Elmlər Akademiyasının Əlyazmalar İnstitutunun istifadəsinə verilib.

Tağıyevin Qızlar məktəbinin yerləşdiyi Əlyazmalar İnstitutundan fotoreportajı təqdim edirik:

Qalereya

Oxşar xəbərlər

Leyla Əliyeva və Arzu Əliyeva Qaxda Axar-Baxar Milli Parkının açılış mərasimində iştirak ediblər

Milli Qəhrəman Şahin Tağıyev dəfn edilir

Prezident İlham Əliyev Əfv Sərəncamı imzalayıb

Xalq artisti Hacı Murad Yegizarov II Fəxri xiyabanda dəfn olunub

SOCAR-ın Bakı Ali Neft Məktəbinin nəzdində fəaliyyət göstərən Rəqəmsal Biliklər Liseyinin rəsmi açılış mərasimi keçirilib