Prodüser Pavel Rudçenko bəyan edib ki, müğənni Alla Puqaçovanın adının maliyyəçi Ceffri Epşteynin açıqlanan sənədlərində yer alması təsadüfi deyil.

BAKU.WS xəbər verir ki, onun sözlərini "aif.ru" nəşri yayıb.

Media menecerinin fikrincə, Epşteyn rusiyalı məşhurlara Rusiya və ruslar haqqında alçaldıcı açıqlamalar vermələri üçün pul ödəyə bilərdi.

Rudçenko xatırladıb ki, Puqaçova bir vaxtlar rus xalqını "qullar" adlandırmışdı və 1990-cı illərin sonu – 2000-ci illərin əvvəllərində bir çox ictimai şəxslər oxşar mövqedən çıxış edirdilər. Prodüser hesab edir ki, bu cür fikirlərin maliyyə sponsoru məhz qalmaqallı amerikalı maliyyəçi ola bilərdi.

"Əgər bu gün baxsaq ki, hansı ictimai şəxslər və sənət adamları Qərbə köçüb və eyni zamanda ruslar haqqında alçaldıcı fikirlər səsləndiriblər, Epşteynlə mümkün tanışlıq və maliyyələşmə mənbəyini məhz orada axtarmaq lazımdır", - deyə Rudçenko vurğulayıb.

Qeyd edək ki, daha əvvəl ABŞ Ədliyyə Nazirliyi tərəfindən açıqlanan Ceffri Epşteynə aid sənədlərdə Alla Puqaçovanın adına rast gəlinib. Primadonnanın adı bu sənədlərə "The Times" qəzetində 10 yanvar 2014-cü ildə dərc olunmuş "Dünyanın ən hörmətli insanları" adlı məqalə ilə bağlı olaraq düşüb.

Oxşar xəbərlər

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4