2023-cü ilin fevral zəlzələlərindən ötən üç il ərzində Türkiyə fəlakət zonasının 11 vilayətinin şəhər və kəndlərini bərpa edib, yenidən dirçəldib.

BAKU.WS AZƏRTAC-a istinadən xəbər verir ki, bunu Türkiyə Prezidenti Rəcəb Tayyib Ərdoğan fevralın 6-da Osmaniyyə vilayətində, episentri Kahramanmaraşda yerləşən dağıdıcı yeraltı təkanların 3-cü ildönümünə həsr olunmuş tədbirdə çıxışı zamanı bildirib.

"Respublika tarixinin ən dağıdıcı fəlakəti əhalisi 14 milyon nəfər olan 11 vilayətə təsir edib. 107 min 213 qardaş və bacımız xəsarət alıb. Fəlakət zonasından 3 milyon 500 min insan təxliyə olunub. Birbaşa maddi zərərin məbləği 104 milyard dollara çatıb ki, bu da 2023-cü ildə Türkiyənin ümumi daxili məhsulunun 9 faizi ilə müqayisə edilə bilər", – deyə dövlət başçısı vurğulayıb.

Türkiyə lideri dəhşətli faciənin qurbanı olmuş 53 min 537 vətəndaşın xatirəsinin ölkə sakinlərinin qəlbində daim yaşayacağını əminliklə vurğulayıb.

Rəcəb Tayyib Ərdoğan deyib ki, son 3 ildə zəlzələlərin nəticələrinin aradan qaldırılmasına təxminən 90 milyard dollar vəsait xərclənib, cari ilin dövlət büdcəsində isə zəlzələ zonasının bərpası üçün əlavə maliyyə vəsaiti nəzərdə tutulub.

"Bu günədək zəlzələlərin baş verdiyi ərazilərdə 433 min 667 yaşayış binası, həmçinin 21 min 690 kommersiya obyekti inşa edilib. Hakimiyyət xalqın qarşısında verdiyi bütün vədlərə əməl edib, Türkiyə isə dünyaya yenidən öz gücünü nümayiş etdirib", – deyə Prezident qeyd edib.

Oxşar xəbərlər

Vətən müharibəsində Qələbənin beşinci ildönümünə həsr olunmuş Hərbi parad keçirilib

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Prezident İlham Əliyev Əfv Sərəncamı imzalayıb

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib