İran Bəhreyn ərazisində yerləşən və Qətər hərbçilərinin olduğu binalara hücum edib.

BAKU.WS xəbər verir ki, bu barədə Qətər Xarici İşlər Nazirliyi məlumat verib.

Nazirliyin bəyanatında bildirilib ki, İran müxtəlif ərazilərdə yerləşən və Qətər Hərbi Dəniz Qüvvələrinin bölmələrinin yerləşdiyi binalara zərbə endirib. Həmin bölmələr Fars körfəzi Ərəb Dövlətləri Əməkdaşlıq Şurasının birgə hərbi komandanlığının dəniz əməliyyatları mərkəzinin tərkibində fəaliyyət göstərir.

Bəyanatda qeyd olunub ki, Qətər bu hücumu qəti şəkildə pisləyir və onu regionda təhlükəsizliyə ciddi təhdid kimi qiymətləndirir.

Bundan əlavə, 6 mart gecəsi Qətərin hava hücumundan müdafiə sistemləri "Əl-Udeyd" aviabazasına yönəlmiş pilotsuz uçuş aparatlarının hücumunun qarşısını alıb. Həmin bazada ABŞ-nin Mərkəzi Komandanlığı (CENTCOM) qərargahı yerləşir.

Qətər Xarici İşlər Nazirliyi bundan əvvəl də İran pilotsuz aparatlarının istifadə olunduğu hücum cəhdlərini – o cümlədən Türkiyəyə və Azərbaycanda yerləşən hava limanlarından birinə qarşı yönəlmiş zərbə cəhdlərini pisləmişdi.

Rəsmi Doha bu hadisələri "təhlükəli eskalasiya" və dövlət suverenliyinin kobud şəkildə pozulması kimi qiymətləndirərək, bunun regional təhlükəsizlik və sabitliyə ciddi risk yaratdığını bildirib.

Oxşar xəbərlər

İlham Əliyev Lənkəran Dövlət Peşə Təhsil Mərkəzinin açılışında iştirak edib

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2

Sabirabadda "Dinin siyasiləşməsi və məzhəbçilik: milli kimliyə yönəlmiş təhdid kimi" mövzusunda regional konfrans keçirilib

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib