Ukraynanın prezidenti Volodimir Zelenski ABŞ prezidenti Donald Trampa hərbi əməliyyatları izləyə bilmək üçün "iPad" hədiyyə etmək istəyib.

Far.Az "Lenta.ru"ya istinadən xəbər verir ki, bu Münhen Təhlükəsizlik Konfransı zamanı olub.

Zelenski Münhen Təhlükəsizlik Konfransı zamanı amerikalı həmkarı Donald Trampa Ukraynadakı döyüşləri izləyə bilməsi üçün ona "iPad" hədiyyə etmək istəyib, lakin Tramp orada iştirak etməyib.

Bu barədə "Financial Times"ın jurnalisti Kristofer Miller "X"də məlumat verib.

"Düzünü desəm, bunu Münhendə Trampa vermək istəyirdim. Çünki "iPad"imdə hansı hücumların baş verdiyini dərhal görə bilirəm, dronları, raketləri..." - deyə Zelenski bildirib.

Ukrayna lideri daha sonra bu planşeti Böyük Britaniya Kralı III Çarlza təqdim edib. O, "iPad"ın ona səmadakı hər bir hədəfi və cəbhədəki vəziyyəti izləməyə imkan verdiyini söyləyib.

Xatırladaq ki, Zelenski martın 17-də Londona gəlib. O, Bukinqem Sarayında Kral III Çarlzla görüşüb.

Oxşar xəbərlər

Kiyevə raket hücumu zamanı Azərbaycanın Ukraynadakı səfirliyinə ciddi ziyan dəyib

İlham Əliyev Şeyx Məhəmməd bin Zayed Al Nəhyana Qarabağ atı hədiyyə edib

Vətən müharibəsində Qələbənin beşinci ildönümünə həsr olunmuş Hərbi parad keçirilib

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2