Baku TV doğma torpaqlarına - Ağdərə rayonunun Həsənriz kəndinə qayıdan Salahovlar ailəsinin qonağı olub.

Ailəsi ilə birlikdə ötən ilin aprel ayından burada məskunlaşdıqlarını deyən sakin Məhəbbət Salahov kənddə təsərrüfat və heyvandarlıqla məşğul olduğunu bildirir:

"Torpaqları şumlayır, kartof əkirəm. 150 baş qoyun və 10 baş mal saxlayıram, gələcəkdə təsərrüfatımı daha da inkişaf etdirmək istəyirəm".

Ailənin kiçik üzvü Yağmur Salahova isə uşaqlıq arzusunun reallaşdığını deyir:

"Balaca olanda ailəm mənə tez-tez Qarabağdan danışardı, deyirdilər ki, bir gün oraya qayıdacağıq. Xəyalımda Qarabağı canlandırırdım, oranı görmək, gəzmək istəyirdim. İndi atamın doğma yurdunda yaşayırıq, burada təhsil alıram. Gözəl evimiz, yaxşı sinif yoldaşlarım var".

Oxşar xəbərlər

İlham Əliyev Xocavəndin Xanoba kəndində fərdi evlərin və infrastrukturun bərpası sahəsində görülən işlərlə tanış olub

Həsənriz kəndinə daha 16 ailə köçürülüb, açarlar təqdim edilib

İlham Əliyev Xocavəndin Xanoba kəndində fərdi evlər və infrastrukturun bərpası işləri ilə tanış olub - YENİLƏNİB

Ağdərənin Həsənriz kəndinə növbəti köç karvanı çatıb

Ağdərənin dörd kəndinə qayıdan ailələrə mənzillərin açarları təqdim edilib