Qadın voleybolçular arasında Azərbaycan Yüksək Liqasında 1/4 final mərhələsinin növbəti iki matçı baş tutub.

"Report"un məlumatına görə, "Milli Aviasiya Akademiyası" "Abşeron"u 3:1 (25:18, 18:25, 25:19, 25:18) hesabı ilə məğlub edərək yarımfinala vəsiqəni təmin edib.

Komandalar arasında ilk matçda da "Milli Aviasiya Akademiyası" rəqibini üstələmişdi - 3:2.

Günün ikinci oyununda "Gəncə" UNEC-lə üz-üzə gəlib. Görüş Gəncə komandasının qələbəsi ilə yekunlaşıb - 3:2 (23:25, 25:22, 25:22, 20:25, 15:9). Komandalar arasında baş tutan ilk dueldə də bölgə təmsilçisi qələbəyə sevinmişdi - 3:2. Beləliklə, növbəti yarımfinalçı "Gəncə" komandası olub.

Hər iki qarşılaşma Gənclər və İdman Nazirliyinin Voleybol Mərkəzində təşkil olunub.

Xatırladaq ki, daha əvvəl "Turan" və "DH Volley" yarımfinala vəsiqə qazanıb.

Oxşar xəbərlər

İlham Əliyev Cəbrayılın Horovlu kəndinin birinci mərhələsinin açılışında iştirak edib

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

Alim Nəbiyev MMA-də növbəti qələbəsini qazanıb, rəqibini 1-ci raundda nokaut edib

Gənclər və İdman Nazirliyi 2025-ci ilin ən yaxşılarını açıqlayıb - YENİLƏNİB

Leyla Əliyevanın təşəbbüsü ilə uşaq evlərinin komandaları arasında növbəti minifutbol turniri təşkil olunub