Nizami Rayon Məhkəməsində qəsdən sağlamlığa yüngül zərərvurmada təqsirləndirilən Alı Alıyevin (adı və soyadı şərtidir) cinayət işi üzrə məhkəmə istintaqı yekunlaşıb.

Far.Az Pravda.az-a istinadən xəbər verir ki, hakim Emin Axundovun sədrliyi ilə keçirilən prosesdə hökm oxunub.

Məhkəmənin hökmü ilə icraata xitam verilib və o, cinayət məsuliyyətindən azad edilib.

İttihama görə, hadisə 2026-cı il fevralın 20-də saat 22 radələrində paytaxtın Nizami rayonu ərazisində baş verib.

Belə ki, Alı Alıyev qeyri-rəsmi nikahda yaşadığı zərərçəkmiş Səmayə Səfərzadənin (adı və soyadı şərtidir) onun mobil telefonunda başqa qızla yazışmasını görməsi ilə aralarında qısqanclıq zəminində mübahisə yaranıb. Mübahisə zamanı qadın ona qarşı nalayiq ifadələr işlədib. Bu zaman təqsirləndirilən şəxs qisas almaq niyyəti ilə yumruqla onun üz və bədəninin müxtəlif nahiyələrinə zərbələr endirib.

Nəticədə Səmayə Səfərzadə sağ bazu oynağında nisbi hərəkət məhdudluğu ilə müşayiət olunan sağ bazunun hematoması, çənənin, boyunun, kürək nahiyəsinin, sol bazunun, sol dirsək nahiyəsinin, hər iki saidin, sol budun qançırları və boyunun sıyrığı ilə müşayiət olunan bədən xəsarətləri alıb.

Həmin xəsarətlər ümumilikdə sağlamlığın qısa müddətə pozulmasına səbəb olan yüngül zərər kimi qiymətləndirilib.

Beləliklə, Alı Alıyevin əməli Cinayət Məcəlləsinin 128-ci maddəsində nəzərdə tutulmuş qəsdən sağlamlığa yüngül zərərvurma kimi tövsif olunub.

Oxşar xəbərlər

Prezident İlham Əliyev Əfv Sərəncamı imzalayıb

Mobil telefonda və ayaqqabılarda gizlədilmiş qızıl külçələr aşkarlandı

Qaradağlı faciəsi ilə bağlı sənədlər məhkəmədə tədqiq olunub

Bu gün paytaxtın 555 küçəsi yuyuldu

Bakıda sevgilisini döyən qısqanc kişi cinayət məsuliyyətindən azad edildi