Azərbaycanda peşə təhsilini bitirənlərin 50-60 %-i özünə iş tapa bilir.

"Far.Az" xəbər verir ki, bunu Peşə Təhsili üzrə Dövlət Agentliyinin direktoru İlqar Bayramlı İctimai TV-də yayımlanan "Xəbərimiz var" verilişində deyib.

Onun sözlərinə görə, peşə təhsilinə yönəlmək istəyənlərin sayı gündən-günə artır:

"Peşə təhsili artıq universitetə qəbul ola bilməyənlərin deyil, öz uğur hekayəsini yaratmaq istəyən, özünü bazarda hiss edənlərin seçimidir. Artıq diplom yox, bazar önə çıxır. Ümumilikdə götürdükdə bu təhsil üzrə 50-60 % məzunlar məşğulluq imkanından yararlana bilir. İkili təhsil modelində isə bu rəqəm 70-80 %-ə qədər yüksələ bilir. Bu göstəricilər daha çox sənaye, tikinti və xidmət sahəsində daha yüksəkdir".

O vurğulayıb ki, ikili təhsil modelinin genişləndirilməsi də nəzərdə tutulur:

"Bu modeldə təhsil alan tələbə təhsil müddətində işəgötürənin xidmət sahəsində praktiki bacarıqları əldə edir. Buna görə də iş tapmaq artıq daha rahat olur. 2022-ci ildə 800 belə tələbəmiz var idisə, hazırda bu model üzrə təhsil alan 2000 tələbə var".

Direktor diqqətə çatdırıb ki, peşə təhsili üzrə tələbə qəbulunun 62 %-i regionların payına düşür.

İlqar Bayramlı Qarabağda peşə müəssisələrinin qurulmasına toxunaraq vurğulayıb ki, Qubadlıda, Zəngilanda, Ağdamda layihələndirmə işləri aparılır, yeni və müasir peşə müəssisələri olacaq.

Oxşar xəbərlər

İlham Əliyev Lənkəran Dövlət Peşə Təhsil Mərkəzinin açılışında iştirak edib

Qarabağda işləmək istəyənlərin NƏZƏRİNƏ! - Maaş 1250 AZN-dək

Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2