Livan Prezidenti Cozef Aun bildirib ki, Beyrut Yaxın Şərqdə təhlükəsizlik və sülhə nail olmaq üçün bütün səylərini davam etdirəcək.

"Report" xəbər verir ki, bu barədə prezidentin dəftərxanası "X"-də məlumat yayıb.

Aun qeyd edib ki, Livan ölkənin cənub hissəsindəki vətəndaşlar üçün humanitar yardımın artırılması məqsədilə beynəlxalq təşkilatlara müraciət etməyə davam edir.

"Diplomatiya qansız müharibədir, müharibə isə qan, dağıntı və xaosdur. Buna görə də öz hüquqlarımızı qətiyyətlə müdafiə etməklə qarşıdurma tərəfləri arasındakı danışıqlarda iştirak etmək qərarı qəbul edildi. Prioritet – Livana hücumların dayandırılması, İsrail qoşunlarının çıxarılması və əsirlərin qaytarılmasıdır, bunun ardınca uzun illər davam edən müharibə və dağıntılardan sonra sülh haqqında danışmaq mümkün olsun", - Livan lideri bildirib.

Aun qeyd edib ki, danışıqlar İsrailə güzəştə getmək və ya təslim olmaq demək deyil, problemlərin həlli üçün zəruridir.

"Bu vəziyyətdə livanlıların öz dövlətinin yanında olması vacibdir, çünki onlar bu müharibələrdən yorulublar. Mənim vəzifəm Livan üçün təhlükəsizlik və sülhə nail olmaq naminə bütün səyləri göstərməkdir", - o bildirib.

Oxşar xəbərlər

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2

İlham Əliyev Cənub Qaz Dəhlizi Məşvərət Şurası çərçivəsində nazirlərin 12-ci iclasında iştirak edib