Gürcüstan Prezidenti Mixeil Kavelaşvili Qazaxıstanın paytaxtı Astanada işgüzar səfərdədir.

"Report"un Gürcüstan bürosu xəbər verir ki, M. Kavelaşvili Astanada regional ekoloji sammitdə iştirak edəcək.

Prezidentin sammitin plenar iclasında çıxışı planlaşdırılır. Birləşmiş Millətlər Təşkilatı ilə tərəfdaşlıq çərçivəsində keçirilən forumda iqlim dəyişikliyinin yaratdığı çağırışlar müzakirə olunacaq. Eyni zamanda, dənizə çıxışı olmayan ölkələr üçün mühüm olan nəqliyyat və bağlantı məsələlərinə də toxunulacaq.

Zirvə toplantısında Qazaxıstan, Qırğızıstan, Özbəkistan, Tacikistan, Türkmənistan, Monqolustan və Ermənistan prezidentləri, eləcə də Azərbaycanın Baş naziri Əli Əsədov iştirak edir. Forumda müxtəlif beynəlxalq təşkilatların rəhbərlərinin də çıxışı gözlənilir.

Səfər çərçivəsində Mixeil Kavelaşvili ilə Kasım-Jomart Tokayev arasında görüşün keçirilməsi planlaşdırılır.

Gürcüstan Prezidentini səfərdə ətraf mühit və kənd təsərrüfatı naziri Davit Sonqulaşvili, Prezident Administrasiyasının rəhbəri Ketevan Kvinikadze və xarici işlər nazirinin müavini Aleksandre Xvtisiaşvili müşayiət edir.

18:35

Gürcüstan Prezidenti Mixeil Kavelaşvili Astanada keçiriləcək ekoloji sammitdə iştirak edəcək.

"Report"un Gürcüstan bürosu xəbər verir ki, Mixeil Kavelaşvili aprelin 22-də Astanada keçiriləcək regional ekoloji sammitə qatılacaq.

Məlumata görə, Gürcüstan Prezidentinin sammitin plenar iclasında çıxışı planlaşdırılır. Birləşmiş Millətlər Təşkilatı ilə tərəfdaşlıq çərçivəsində keçirilən forumda iqlim dəyişikliyi ilə bağlı çağırışlar və bu sahədə koordinasiyalı səylərin vacibliyi müzakirə olunacaq.

Sammitdə müxtəlif ölkələrin liderləri bir araya gələcək. Tədbirdə Qazaxıstan, Qırğızıstan, Özbəkistan, Tacikistan, Türkmənistan, Monqolustan və Ermənistan prezidentləri, eləcə də Azərbaycanın Baş naziri Əli Əsədov iştirak edəcək. Forumda həmçinin dənizə çıxışı olmayan ölkələr üçün əlaqəlilik məsələlərinə xüsusi diqqət yetiriləcək.

Prezident Mixeil Kavelaşvili Qazaxıstana rəsmi nümayəndə heyəti ilə səfər edib. Nümayəndə heyətinə Davit Sonqulaşvili, Prezident Administrasiyasının rəhbəri Ketevan Kvinikadze və xarici işlər nazirinin müavini Aleksandre Xvtisiaşvili daxildir.

Oxşar xəbərlər

Xankəndidə İqtisadi Əməkdaşlıq Təşkilatının 17-ci Zirvə görüşü keçirilib, İlham Əliyev çıxış edib

Azərbaycanın və BƏƏ prezidentləri Əbu-Dabidə "Sülh Qalxanı – 2026" birgə əməliyyat-taktiki təlimini izləyiblər

Bakıda TDT Xəritəçəkmə Qurumları Rəhbərlərinin ikinci iclası keçirilib, bəyannamə qəbul edilib

Azərbaycan və BƏƏ prezidentləri Cıdır düzündə Qarabağ atlarının şousunu izləyiblər

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib