Türkmənistan Prezidenti Sərdar Berdiməhəmmədov 2026-cı ilin oktyabr ayının əvvəlində Xəzər dənizinin ekologiyası məsələlərinə dair yüksək səviyyəli görüş keçirmək planlarını açıqlayıb.

"Far.Az" Türkmənistan mediasına istinadən xəbər verir ki, bu barədə o Astanada keçirilən regional ekoloji sammitin plenar sessiyasında bildirib.

Onun sözlərinə görə, qarşıdan gələn görüş Xəzəryanı ölkələrin əməkdaşlığını ekoloji rifahın təmin edilməsi və Xəzərin nadir təbiətinin qorunması sahəsində yeni mərhələyə çıxarmalıdır.

Berdiməhəmmədov vurğulayıb ki, Türkmənistan bir Xəzəryanı dövlət kimi beynəlxalq səviyyədə ekoloji gündəliyi fəal şəkildə irəli sürür: "Biz BMT-də Xəzər ekoloji təşəbbüsü ilə çıxış etdik, onun həyata keçirilməsi konsepsiyasını hazırladıq və bütün Xəzəryanı ölkələrə göndərdik".

O, həmçinin sudan istifadə məsələləri üzrə ixtisaslaşmış regional şuranın yaradılması təşəbbüsünü irəli sürüb. Gözlənilir ki, yeni struktur BMT-nin himayəsi altında fəaliyyət göstərəcək və su ehtiyatlarının idarə edilməsi sahəsində Mərkəzi Asiya ölkələrinin səylərinin əlaqələndirilməsinin əsas mexanizmi olacaq.

Şuranın əsas vəzifəsi su ehtiyatlarının ədalətli və rasional bölüşdürülməsi prinsipləri əsasında transsərhəd suların effektiv idarəetmə sisteminin formalaşdırılması olmalıdır.

Oxşar xəbərlər

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

Məşhurlardan 29 Oktyabr – Cümhuriyyət bayramı PAYLAŞIMLARI

İlham Əliyev Xocavəndin Xanoba kəndində fərdi evlərin və infrastrukturun bərpası sahəsində görülən işlərlə tanış olub