Dünya çempionatı futbolçular üçün böyük təcrübə oldu.

Bunu "Far.Az"a açıqlamasında Azərbaycanın minifutbol üzrə U-23 yığmasının baş məşqçisi Rəcəb Fərəczadə deyib.

Mütəxəssis Xorvatiyanın Malıy Loşin şəhərində keçirilən dünya çempionatı haqqında danışıb:

"Mənim üçün nəticədən daha vacib uşaqların bu yarışda iştirak etməsi idi. Bunun üçün Azərbaycan Minifutbol Federasiyasının rəhbərliyinə təşəkkür edirəm. Oyunçulara bu cür şərait yaratdılar. Serbiya, Slovakiya, Çexiya və İngiltərə fiziki cəhətdən çox güclü kollektivlərdir. Hətta deyərdim ki, bizim futbolçulardan üç dəfə güclüdürlər. Matçlarda uduzmağımızın səbəbi də bu oldu. Komandada yer alanların əksəriyyətinin 21 yaşı var. Bu da böyük rol oynadı. Amma mübarizə apardıq və yarışdakı çıxışımızdan razıyam".

Qeyd edək ki, Azərbaycanın U-23 millisi bürünc medal uğrunda görüşdə Serbiyanın müvafiq yaş qrupundan ibarət yığmasına 0:3 hesabı ilə uduzub. Komanda yarımfinalda Çexiyaya 3:4 hesabı ilə məğlub olub. R.Fərəczadənin yetirmələri 1/4 finalda İngiltərədən (3:0) güclü olub, qrupda isə Hindistanı 16 cavabsız qolla üstələsə də, Serbiya (1:5) və Çexiyaya (0:2) yenilib.

Oxşar xəbərlər

Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4

Dünya çempionatı: Azərbaycan millisi üçüncü yer uğrunda oyunda məğlub olub

Azərbaycan millisi dünya çempionatında böyükhesablı qələbə qazanıb

AMF-in prezidenti dünya çempionatında iştirak edəcək U-23 millisinin üzvləri ilə görüşüb

Azərbaycan millisinin futzalçısı: Çexiya yığmasına məğlubiyyətin əsas səbəbi təcrübəsizlik oldu