İran ABŞ-lə aparılan danışıqlarla bağlı sərt mövqe nümayiş etdirib. İran parlamentinin Milli Təhlükəsizlik və Xarici Siyasət Komissiyasının sözçüsü İbrahim Rızai bildirib ki, Vaşinqtonun Tehranla razılığa gəlmək üçün alternativi yoxdur.

Far.Az İranın rəsmi IRNA agentliyinə istinadən xəbər verir ki, Rızai qeyd edib ki, "ABŞ ağıllı davranmaq istəyirsə, İranın danışıqlardakı şərtlərini qəbul etməlidir".

Onun sözlərinə görə, region ölkələri və neft alıcıları keçid marşrutlarının bağlanması səbəbindən ABŞ-yə təzyiq göstərir. Bu ölkələr Hörmüz boğazı üzərindən nəqliyyatın bərpası üçün Vaşinqtondan addım atmağı tələb edir.

Rızai həmçinin bildirib ki, İran parlamentində boğazdan keçidlərin ödənişli olması ilə bağlı qanunvericilik təşəbbüsləri müzakirə olunur. O vurğulayıb ki, boğazla bağlı qaydalar müharibədən əvvəlki vəziyyətə qaytarılmayacaq.

Sonda iranlı rəsmi qeyd edib ki, Tehran ABŞ-lə danışıqlarda irəli sürdüyü 10 şərtdən geri çəkilmək niyyətində deyil.

Oxşar xəbərlər

İlham Əliyev Xocavəndin Xanoba kəndində fərdi evlərin və infrastrukturun bərpası sahəsində görülən işlərlə tanış olub

Mehriban Əliyeva Vatikanda Müqəddəs Komodilya katakombalarının bərpası layihəsinin açılışında iştirak edib

Leyla Əliyeva Luvr Əbu-Dabi muzeyini və İbrahim Ailə Evini ziyarət edib

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib