ABŞ-də ərzaq yardımı alanlar arasında 186 min ölü insan var.

"Report"un məlumatına görə, ABŞ-nin vitse-prezidenti Cey Di Vens bu barədə Ayova ştatının De-Moyne şəhərində çıxışında bildirib.

"186 000 ölmüş insan SNAP müavinətləri alır, 186 000 ölü amerikalı isə ərzaq talonu alır", - o deyib.

Vens həmçinin onun açıqlamasına medianın mümkün reaksiyasına istehzalı şəkildə münasibət bildirib.

"Hesab edirəm, ölmüş insanlara görə ərzaq talonlarını ləğv etməliyik və mən buna görə günahkaram", - vitse-prezident zarafat edib.

Bundan əlavə, o, bəzi SNAP alanlar arasında "Lamborghini" avtomobillərinin sahiblərinin də olduğunu iddia edib.

"Güman edirəm, Amerika əhalisinin 95 %-i razılaşar ki, əgər "Lamborghini" almaq üçün kifayət qədər varlısınızsa, Amerika vətəndaşlarından SNAP müavinətləri almayacaqsınız", - Vens əlavə edib.

Oxşar xəbərlər

İlham Əliyevlə Cey Di Vens arasında geniştərkibli görüş başa çatıb

Qubada torpaq sürüşməsi baş verən kəndə ərzaq yardımı göndərilib

Prezident İlham Əliyev Xankəndi şəhərində Zəfər parkının açılışında iştirak edib

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2