Asiya İnkişaf Bankı (ADB) Azərbaycanı iqlim fəaliyyəti, rəqəmsal texnologiyalar və bazaryönümlü kənd təsərrüfatının inteqrasiyası kimi sahələrdə regional lider kimi nəzərdən keçirir.

"Report" xəbər verir ki, bunu ADB-nin Kənd Təsərrüfatı, Qida, Təbiət və Kənd Yerlərinin İnkişafı Sektoru Ofisinin direktoru Jiangfeng Zhang Bakıda "Caspian Agro Week" çərçivəsində keçirilən V Aqrobiznesin İnkişafı Forumunda bildirib.

Onun sözlərinə görə, Azərbaycan kənd təsərrüfatını artıq yalnız ilkin istehsalla nəzərən keçirmir: "O, bu sahədə strateji baxışı ilə aqrar-ərzaq sistemini iqtisadi diversifikasiya, ixrac rəqabətqabiliyyətliliyi və inklüziv kənd inkişafı istiqamətlərində əsas hərəkətverici qüvvə kimi görür. Azərbaycan kənd təsərrüfatını müasir, innovasiyaya əsaslanan sektor kimi qəbul edir".

O vurğulayıb ki, ADB Azərbaycanı yalnız innovasiyanın benefisiarı kimi deyil, bu istiqamətdə regional lider kimi nəzərədən keçirir: "Xüsusilə iqlim fəaliyyəti, rəqəmsal texnologiyalar və bazaryönümlü kənd təsərrüfatının inteqrasiyası kimi sahələrdə. ADB investisiyalar, bilik həlləri və regional əməkdaşlıq vasitəsilə Azərbaycanın aqrar-ərzaq sektorunu dəstəkləməyə qətiyyətlə sadiq qalır".

Oxşar xəbərlər

İlham Əliyev 19-cu "Caspian Agro Week" və 31-ci "InterFood Azerbaijan" sərgiləri ilə tanış olub - YENİLƏNİB

Palçıq Vulkanları Turizm Kompleksi – Azərbaycanın təbiət möcüzələrinə açılan yeni qapı

Mehriban Əliyeva Azərbaycanın Müqəddəs Taxt-Tacdakı səfirliyinin inzibati ofisinin açılışında iştirak edib

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN