Baku TV-nin qaynar xəttinə müraciət edən Şabran rayonunun Padar kəndinin sakini olan İsmixanovlar ailəsi ağır sosial şəraitdə yaşadıqlarını bildirərək aidiyyəti qurumlardan kömək istəyib.

Fəhlə kimi çalışan Tural İsmixanov bildirib ki, aldığı maaş ailənin dolanışığına kifayət etmir:

"Fermada işləyirəm. Əllərim ağır işdən pis vəziyyətə düşüb. Mağazalara borcumuz çoxdur. Deyirlər ki, əvvəl borcu bağla, sonra məhsul götür. Dörd uşağım var, onların və evin xərclərini qarşılaya bilmirəm".

Aysel İsmixanovanın sözlərinə görə, uşaqlardan biri xəstədir və maddi imkansızlıq səbəbindən müalicəsini davam etdirmək mümkün olmur:

"Qızımın böyrəklərində problem var. İmkanımız yoxdur ki, onu həkimə aparaq".

Əmək və Əhalinin Sosial Müdafiəsi Nazirliyi artıq ailənin müraciətinə baxıldığını və onlara bir il müddətinə aylıq 599.4 manat sosial yardım ayrıldığını açıqlayıb.

Oxşar xəbərlər

İlham Əliyev Cəbrayılın Horovlu kəndinin birinci mərhələsinin açılışında iştirak edib

Gələcəyə ümidlə baxan uşaqların sağlamlıq arzusu burada gerçəkləşə bilər

İlham Əliyev Zəngilanın Ağalı kəndinin 2-ci mərhələsinin və Məmmədbəyli kəndinin açılışlarında iştirak edib

Leyla Əliyeva, Arzu Əliyeva və Alyona Əliyeva "Təmiz Dünya" sığınacağındakı uşaqların bayram sevincinə şərik olublar

Qarabağda işləmək istəyənlərin NƏZƏRİNƏ! - Maaş 1250 AZN-dək