Ukraynanın xarici işlər naziri Andrey Sibiqa NATO-nun Baş katibi Mark Rütte ilə alyansın Brüsseldəki qərargahında görüşüb.

"Far.Az" xəbər verir ki, bu barədə Sibiqa "X"də yazıb.

"Baş katibə döyüş meydanındakı vəziyyət, sülh səyləri və Ukraynanın müdafiə sənayesinin görkəmli nailiyyətləri barədə məlumat verdim. Biz Ukraynanın və Alyansın qarşılıqlı faydası naminə NATO-nun sənaye bazasının dəstəyi ilə Ukraynanın silah istehsalını daha da genişləndirməyin yollarını müzakirə etdik.

Mən NATO-nun PURL təşəbbüsünün və onun çərçivəsində yeni töhfələrin vacibliyini vurğuladım. Biz həmçinin Ankarada keçiriləcək NATO sammitinə hazırlıqları və onun gözlənilən nəticələrini müzakirə etdik", - deyə o əlavə edib.

Sibiqa həmçinin Rütteyə Ukraynaya verdiyi dəstəyə, alyansı və transatlantik birliyi gücləndirmək səylərinə görə minnətdarlığını bildirib.

Oxşar xəbərlər

Prezident İlham Əliyev və Çexiyanın Baş naziri Andrey Babiş mətbuata bəyanatlarla çıxış ediblər

İlham Əliyev Zəngilanda ilk yaşayış kompleksinə köçən ailələrlə görüşüb

İlham Əliyev Xocavənd şəhər və Xocavənd kənd sakinləri ilə görüşüb

Qəbələdə Çexiyanın Baş naziri Andrey Babişin rəsmi qarşılanma mərasimi olub

YUNESKO-nun mənzil-qərargahında Novruz bayramı qeyd edilib