Niderlandın Gelderland əyalətinin Nijmegen şəhərində yerləşən Radboud Universiteti Tibb Mərkəzinin on iki əməkdaşı hantavirusa yoluxmuş xəstə ilə təmasda olarkən təhlükəsizlik qaydalarını pozduqdan sonra altı həftəlik karantinə yerləşdirilib.

"Report" xəbər verir ki, bu barədə Hart van Nederland portalı məlumat yayıb.

Qeyd olunub ki, tibb müəssisəsi xəstənin müalicəsi zamanı mövcud təhlükəsizlik protokollarına tam əməl olunmadığını etiraf edib:

"İnfeksiya riski olduqca aşağı olsa da, təhlükəsizlik tədbirlərinə riayət etmək müalicə prosesində iştirak edən hər kəs üçün vacibdir. Bunun universitet tibb mərkəzimizdə baş verməsindən təəssüf edirik", - deyə xəstəxananın direktorlar şurasının sədri Bertine Lahuis jurnalistlərə bildirib.

Portalın dəqiqləşdirdiyi kimi, xəstənin test üçün toplanan qanı "virusun təbiətinə görə" daha sərt prosedura uyğun olaraq emal edilməli idi. Bundan əlavə, xəstəxana xəstənin biomateriallarının "mövcud beynəlxalq qaydalara uyğun olmayan şəkildə" utilizasiya edildiyini bildirdi.

Oxşar xəbərlər

İlham Əliyev Lənkəran Dövlət Peşə Təhsil Mərkəzinin açılışında iştirak edib

Leyla Əliyevanın təşəbbüsü ilə Albaniyada Xəstəxana Mərkəzinin pediatrik sedasiya otağı istifadəyə verilib

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib