Mayın 12-14-də Azərbaycan nümayəndə heyəti Maltada keçirilmiş BMT-Turizmin Avropa üzrə Regional Komissiyasının 72-ci iclasında iştirak edib.

"Far.Az" bu barədə Dövlət Turizm Agentliyinə istinadən xəbər verir.

İclasda davamlı və dayanıqlı turizmin təşviqi məqsədilə 2027-ci ilin "Beynəlxalq Dayanıqlı Turizm İli" elan olunması ilə bağlı fikir mübadiləsi aparılıb.

İclas çərçivəsində BMT-Turizmin Baş katibi Şeyxa Nasir Əl Nuvais "Qlobal baxış və regional yanaşma" mövzusunda hesabat təqdim edib və Monteneqronun 2027-ci ildə BMT-Turizmin Avropa üzrə Regional Komissiyasının növbəti 73-cü iclasına ev sahibliyi etməsi haqqında qərar qəbul edilib.

Tədbir çərçivəsində, həmçinin "Arzuladığımız Gələcəyə Doğru Turizmin İnkişafı: İnkişaf, İnsan və Planet Arasında Balansın Qurulmasına dair Siyasətlər üzrə Dialoq" adlı tematik konfrans təşkil edilib, turizmdə dayanıqlı inkişaf, yerli icmaların rifahı və ekoloji tarazlığın qorunması istiqamətində dövlət siyasətlərinin rolu müzakirə olunub.

Oxşar xəbərlər

Leyla Əliyeva "Mənzərəyə açılan ev" mövzusunda qrup sərgisində iştirak edib

Palçıq Vulkanları Turizm Kompleksi – Azərbaycanın təbiət möcüzələrinə açılan yeni qapı

SOCAR-ın təşkilatçılığı, "Neftçi" və "Galatasaray" klublarının tərəfdaşlığı ilə şəhid və qazi övladları üçün "Futbol günü" adlı tədbir keçirilib

Bakıda Azərbaycan səhiyyəsi üçün önəmli tədbir keçirilib

Arzu Əliyeva və Alena Əliyeva "Rənglərdə yaşanan 10 il" mövzusunda keçirilən sərgidə iştirak ediblər