Rusiyanın Kiyevə (Ukrayna) hücumu nəticəsində ölənlərin sayı 12 nəfərə çatıb.

"Report" xəbər verir ki, bu barədə şəhər meri Vitali Kliçko özünün Telegram kanalında məlumat verib.

"Tibb işçilərinin məlumatlarına görə, dünən gecə baş verən hücum nəticəsində artıq 12 nəfər ölüb. Onların arasında 15 yaşlı qız da var", - deyə o qeyd edib.

Kliçko xəsarət alanların sayının da 57 nəfərə çatdığını, onlardan 27-sinin hazırda xəstəxanada olduğunu dəqiqləşdirib.

18:36

Rusiyanın Kiyevə hücumu nəticəsində həlak olanların sayı 8 nəfərə çatıb, azı 44 nəfər xəsarət alıb.

"Report" xəbər verir ki, bu barədə şəhər hərbi administrasiyasının rəhbəri Timur Tkaçenko "Telegram" kanalında bildirib.

"Dəqiqləşdirilmiş məlumata görə, hücum nəticəsində 8 nəfər həlak olub. Onların arasında 13 yaşlı qız da var", – Tkaçenko yazıb.

15:31

Rusiyanın Kiyevə (Ukrayna) hücumu nəticəsində 5 nəfər həlak olub, təxminən 40 nəfər yaralanıb.

"Report" xəbər verir ki, bu barədə Ukrayna Prezidenti Volodimir Zelenski sosial şəbəkələrdə məlumat verib.

Onun sözlərinə görə, Kiyev vilayətində 7 nəfər xəsarət alıb. Xarkovda zərərçəkənlərin sayı 28 nəfərə çatıb, Odessa vilayətində isə iki nəfər yaralanıb.

Zelenski qeyd edib ki, ümumilikdə ölkədə 180 obyekt zədələnib, onlardan 50-dən çoxu yaşayış evləridir.

09:54

Rusiyanın gecə saatlarında Kiyev vilayətinə hücumu nəticəsində 1 nəfər ölüb, 30-dan çox insan yaralanıb.

"Report" xəbər verir ki, bu barədə "RBK-Ukrayna" baş nazirin bərpa məsələləri üzrə müavini - Ukrayna icmalar və ərazilərin inkişafı naziri Aleksey Kulebanın açıqlamasına istinadən məlumat yayıb.

Onun sözlərinə görə, şəhərin müxtəlif rayonlarında yanğınlar və dağıntılar qeydə alınıb. Yaşayış binaları və mülki infrastruktur obyektləri zərbəyə məruz qalıb.

09:37

Rusiya qoşunları Ukraynanın Kiyev vilayətinə hücum edib, 29 nəfər yaralanıb.

"Report"un məlumatına görə, bu barədə Kiyevin Şəhər Hərbi Administrasiyasının rəhbəri Timur Tkaçenko teleqram kanalında bildirib.

"Zərərçəkənlərin sayı 29 nəfərə çatıb", - o yazıb.

Onun sözlərinə görə, bütün zərərçəkənlərə ixtisaslı tibbi yardım göstərilir.

Həmçinin o bildirib ki, Darnitski rayonunda evin fasadı zədələnib. Evin həyətyanı sahəsində yanğın baş verib.

Oxşar xəbərlər

Kiyevə raket hücumu zamanı Azərbaycanın Ukraynadakı səfirliyinə ciddi ziyan dəyib

Vətən müharibəsində Qələbənin beşinci ildönümünə həsr olunmuş Hərbi parad keçirilib

Lökbatandakı yanğına helikopterlər indiyədək 200 ton su töküb - YENİLƏNİB-4

Lökbatandakı yanğına helikopterlər indiyədək 150 ton su töküb - YENİLƏNİB-4

Lökbatanda anbardakı yanğının söndürülməsinə 2 helikopter cəlb olunub - YENİLƏNİB-4