Kuba Prezidenti Miqel Dias-Kanel ABŞ administrasiyasının mayın 1-də verdiyi və üçüncü dövlətlər tərəfindən Kubaya neft tədarükünə qadağa qoyan icra fərmanını qeyri-əxlaqi, cinayətkar və qanunsuz olaraq xarakterizə edib.

"Far.Az" xəbər verir ki, bu barədə Kuba lideri "X" sosial media hesabında yazıb.

"Kubaya yanacaq satmağa çalışan üçüncü ölkələri təqib etməyə və qorxutmağa yönəlmiş [ABŞ-nin Karib dövlətinə qarşı ticarət-iqtisadi] blokadasını misli görünməmiş miqyaslara çatdıran, Kubanın [iqtisadiyyatına] sərmayə qoymaqda və ya bizə ilk zərurət mallarının - ərzaq, dərman, gigiyena vasitələri və digərlərinin elementar tədarükündə maraqlı olan şirkətləri cəzalandıran icra fərmanı qeyri-əxlaqi, qanunsuz və cinayətkar xarakter daşıyır", - Dias-Kanel qeyd edib.

Onun sözlərinə görə, Kuba əhalisinin məruz qaldığı kollektiv cəza "soyqırımı aktıdır".

Qeyd edək ki, ABŞ administrasiyası mayın 1-də əlavə məhdudlaşdırıcı tədbirlər - Karib respublikasına yanacaq tədarük etməyi planlaşdıran dövlətlərə qarşı energetika sahəsində sanksiyaları nəzərdə tutan icra fərmanı tətbiq edib.

Oxşar xəbərlər

Global Media Group BMT-nin Qlobal Sazişi ilə birgə "Dayanıqlı yaşayış mühitinin dili" mövzusunda media sessiyası təşkil edib

Əhməd İsmayılov: Uğurlarımızın əsasında dövlətin informasiya siyasətinə strateji yanaşma dayanır

Dias-Kanel: Kuba ABŞ üçün təhdid yaratmır

FHN tərəfindən "Yaz-yay fəsillərində sel təhlükəsi" mövzusunda növbəti tədbirlər keçirilib

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN