"Azərişıq" ASC işğaldan azad edilmiş ərazilərdə elektrik infrastrukturunun qurulması ilə bağlı işlər görəcək.

Far.Az-in məlumatına görə, işlər çərçivəsində Xocavənd şəhəri, Qırmızı Bazar qəsəbəsi, Sos kəndi, eləcə də Ağdərə və Xocalı rayonlarının bir sıra kəndlərinin elektrik təchizatının yaxşılaşdırılması nəzərdə tutulur.

Layihənin ehtimal olunan dəyəri 15 milyon 400 min manatdan çoxdur. Satınalma Ağdərə rayonunun Vəngli, Çıldıran, Heyvalı, Kolatağ, Qozlu, Qozlukörpü və Həsənriz kəndlərində xarici və daxili elektrik şəbəkələrinin qurulmasını əhatə edir. Buraya elektrik xətlərinin çəkilməsi, enerji təminatı sistemlərinin yaradılması və yaşayış məntəqələrinin dayanıqlı elektriklə təmin olunması daxildir.

Qeyd edək ki, layihənin həyata keçirilməsi bölgədə yaşayış şəraitinin yaxşılaşmasına, infrastrukturun bərpasına və əhalinin fasiləsiz elektrik enerjisi ilə təmin olunmasına mühüm töhfə verəcək.

Oxşar xəbərlər

İlham Əliyev Ağdərədə Aşağı Oratağ, Çıldıran, Heyvalı və Çapar kəndlərinin sakinləri ilə görüşüb

İlham Əliyev Xocavənd şəhər və Xocavənd kənd sakinləri ilə görüşüb

Zəngilanın Məmmədbəyli və Ağalı kəndlərinin sakinlərinə mənzillərin açarları təqdim edilib

İlham Əliyev Qırmızı Bazar, Hadrut qəsəbələri və Sos kəndinin sakinləri ilə görüşüb

Prezident Ağdərədə "Qozlukörpü" Su Elektrik Stansiyasının açılışında iştirak edib