Şuşanın bərpasında yerli karxana daşlarından istifadə olunub.

"Report" xəbər verir ki, bu barədə Şuşa rayonunda Prezidentin xüsusi nümayəndəsi Aydın Kərimov Bakıda Ümumdünya Şəhərsalma Forumunun 13-cü sessiyası (WUF13) çərçivəsində keçirilən tədbirdə bildirib.

Onun sözlərinə görə, bu daşları tapmaq asan deyildi: "Eyni zamanda, bu layihədə eksperimentlər aparılıb. Bu yanaşma layihələndirmə mərhələsindən qaynaqlanırdı, çünki bu fasadların daha yaxşı görünməsi üçün biz Dövlət Şəhərsalma və Arxitektura Komitəsinin köməyi ilə yeni standartlar hazırladıq və onlar artıq uğurla tətbiq edilib. Binalar indi gözəl görünür. Sakinlərimiz orada çox xoşbəxt yaşayır, rahat həyatlarından zövq alırlar".

O bildirib ki, Şuşa qayanın üstündə yerləşir, dağlar və dərələrlə əhatə olunub: "Təbii ki, burada səhv etsək, sonradan onu düzəltmək imkanımız yoxdur. Ona görə də biz iş prosesində öyrənirik və qurumlar, özəl sektor və bütün insanlar, o cümlədən indi orada yaşayan və bizə irəliyə doğru hərəkət etmək üçün təkan verən icmalar arasındakı əlaqələndirilmiş əməkdaşlıq sayəsində "Azərbaycan Respublikasının işğaldan azad edilmiş ərazilərinə Böyük Qayıdışa dair I Dövlət Proqramı"nın ikinci mərhələsində də uğur qazanacağıq. Biz məhz bunu hədəfləyirik".

Oxşar xəbərlər

Bakıda WUF13-ün Sessiyasının açılış mərasimi keçirilib, Prezident İlham Əliyev çıxış edib

Bakıda WUF13-ün açılış mərasimi keçirilir, Prezident İlham Əliyev tədbirdə çıxış edib

"Azərbaycan dilini öyrənirik" kitabının təqdimat mərasimi olub

Bakıda Ümumdünya Şəhərsalma Forumunun 13-cü Sessiyasının açılış mərasimi keçirilir Prezident İlham Əliyev çıxış edib

Prezident İlham Əliyev Bakı Olimpiya Stadionunun ərazisində WUF13 ilə bağlı görülən işlərlə tanış olub