Yunanıstanın Katerini şəhərində keçirilən Dünya Seriyasının final mərhələsində çimərlik güləşi üzrə milli komandamız tarixi uğura imza atıb.

"Far.Az" xəbər verir ki, bu barədə Azərbaycan Güləş Federasiyasının prezidenti Mikayıl Cabbarov "X" sosial şəbəkə hesabında yazıb.

"Azərbaycan milli komandası tarixində ilk dəfə çimərlik güləşində dünya çempionu olub", - o bildirib və əlavə edib ki, Vüsal Əliyev (80 kq) və Əşrəf Aşırov (90 kq) qızıl, Rübail İbrahimli (70 kq), Sahib Dadaşov (80 kq) və Camal Feyziyev (+90 kq) isə bürünc medal qazanıblar.

O, bu uğurun əldə olunmasında baş məşqçinin pay sahibi olduğunu qabardıb:

"Bu uğurun əldə olunmasında pay sahibi olan, dünyanın ən yaxşı baş məşqçisi seçilən Oyan Nəzəriani başda olmaqla, bütün güləşçilərimizi, onların valideynlərini, şəxsi məşqçilərini və federasiya nümayəndələrini təbrik edir, gələcək yarışlarda uğurlar arzulayırıq".

Yunanıstanın Katerini şəhərində keçirilən Dünya Seriyasının final mərhələsində #çimərlikgüləşi üzrə milli komandamız tarixi uğura imza atdı.#Azərbaycan milli komandası tarixində ilk dəfə çimərlik güləşində dünya çempionu oldu.
Vüsal Əliyev (80 kq) və Əşrəf Aşırov (90 kq) qızıl,… pic.twitter.com/2WyUCcpxKj

— Mikayil Jabbarov (@MikayilJabbarov) October 1, 2026

Oxşar xəbərlər

Mikayıl Cabbarov: Azərbaycan çimərlik güləşində ilk dəfə dünya çempionu olub

Azərbaycanın çimərlik güləşçiləri Bakıdakı dünya çempionatında 8 medal qazanıblar

Üzgüçülük üzrə Azərbaycan çempionatı başa çatıb - YENİLƏNİB

Azərbaycanın 6 idmançısı çimərlik güləşi üzrə Dünya Seriyasının IV mərhələsində yarımfinala yüksəlib

Azərbaycan millisi çimərlik güləşi üzrə Dünya Seriyasında birinci olub