Azərbaycan Tennis Federasiyasının məşqçilər üçün vahid və məcburi akkreditasiya proqramına qeydiyyat davam edir.

QEYDİYYATIN YEKUNLAŞMASINA SON 6 GÜN QALIB !

Azərbaycan Tennis Federasiyası ölkədə tennisin inkişafı, məşqçi fəaliyyətinin vahid standartlara

uyğunlaşdırılması və milli komandalar üçün peşəkar hazırlıq sisteminin gücləndirilməsi məqsədilə tennis

məşqçiləri üçün məcburi akkreditasiya və re-akkreditasiya prosesinə başlayır.

Azərbaycan Tennis Federasiyası mətbuat xidmətindən BAKU.WS-ə verilən məlumata görə, yeni proses çərçivəsində əvvəllər akkreditasiyadan keçmiş məşqçilərin mövcud statusu yenidən yoxlanılacaq və onların peşəkar fəaliyyətinin hazırkı tələblərə uyğunluğu qiymətləndiriləcək.

Müvafiq standartlara cavab verən məşqçilərin akkreditasiyası yenilənəcək.

Eyni zamanda, bu günə qədər akkreditasiyası olmayan məşqçilərə də federasiya tərəfindən müəyyən

edilmiş qaydalar əsasında akkreditasiyadan keçmək imkanı yaradılacaq.

Federasiyanın əsas məqsədi ölkədə tennis məşqlərinin keyfiyyətini artırmaq, gənc idmançıların düzgün

sistem üzrə hazırlanmasını təmin etmək və milli komandalara namizəd oyunçuların yalnız peşəkar

standartlara cavab verən məşqçi mühitində inkişaf etməsinə şərait yaratmaqdır.

Akkreditasiya və re-akkreditasiya prosesindən keçməyən, yaxud bu prosesdə iştirakdan imtina edən

məşqçilər Azərbaycan Tennis Federasiyasının rəsmi proqramlarında, milli komandaların hazırlıq

prosesində və federasiya tərəfindən tanınan inkişaf layihələrində iştirak edə bilməyəcəklər.

Vacib məqam

Federasiya xüsusilə valideynlərin, yeniyetmə və gənc idmançıların diqqətinə çatdırır ki, akkreditasiyadan

keçməmiş məşqçilərlə məşq edən hər hansı oyunçu gələcəkdə peşəkar karyerası çərçivəsində Azərbaycan

milli komandalarının tərkibində, eləcə də ölkənin adından beynəlxalq yarışlarda çıxış etmək hüququ əldə

edə bilməyəcək, həmçinin Federasiya tərəfindən ayrılan hər hansı maddi dəstək, təqaüd, təlim-məşq

toplanışı, səfər, inventar və digər dəstək proqramlarından yararlana bilməyəcək.

Bu səbəbdən peşəkar tennis karyerası hədəfləyən uşaqlar, yeniyetmələr və gənclər məşqçi seçimi zamanı

federasiya tərəfindən tanınmış və akkreditasiyadan keçmiş mütəxəssislərə üstünlük verməlidirlər.

Valideynlər də bu prosesdə məsuliyyətli yanaşmalı və övladlarının gələcək idman karyerasına təsir edə

biləcək bu məqamı nəzərə almalıdırlar.

Dünyada məşqçilərin akkreditasiya və re-akkreditasiya prosesləri bir çox hallarda ödənişli əsaslarla

həyata keçirilir.

Lakin Azərbaycan Tennis Federasiyası ölkədə məşqçi potensialının inkişafına dəstək məqsədilə bu prosesi ilkin mərhələdə məşqçilər üçün ödənişsiz şəkildə təqdim edəcəkdir.

Akkreditasiya müəyyən müddət üçün veriləcək və müddət başa çatdıqdan sonra məşqçilərin peşəkar

fəaliyyəti yenidən qiymətləndiriləcəkdir.

Hər il yeni məşqçilər üçün akkreditasiyadan keçmək imkanı yaradılacaq. Artıq akkreditasiyadan keçmiş məşqçilər isə müəyyən olunmuş qaydalar əsasında təkrar qiymətləndirmə və re-akkreditasiya prosesində iştirak edəcəklər.

Azərbaycan Tennis Federasiyası ölkədə tennis məşqçiliyinin peşəkar əsaslar üzərində qurulmasını,

məşqçilərin bilik və bacarıqlarının artırılmasını, beynəlxalq təcrübəyə uyğun təlim sisteminin

formalaşdırılmasını prioritet istiqamətlərdən biri hesab edir.

Akkreditasiya və reakkreditasiya prosesindən keçmək istəyən məşqçilərdən şəxsiyyət vəsiqələrinin

surətini və özləri haqqında məlumatları aşağıda qeyd olunan e-mail ünvanına göndərmələri tələb olunur:

[email protected]

Əlaqə: +994 55 694 14 66

Oxşar xəbərlər

Azərbaycan Tennis Federasiyası məşqçilər üçün yeni akkreditasiya sistemi tətbiq edir

Azərbaycan Tennis Federasiyası məşqçilər üçün vahid və məcburi akkreditasiya sisteminə başlayır

FHN WUF13-ə hazırlıq çərçivəsində otellərdə təlimlər keçirib

Elnur Bağırov: "Azərbaycanda keyfiyyət infrastrukturu sistemli inkişaf mərhələsinə keçib" - MÜSAHİBƏ

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN