Saqqız çeynəməyin beyin fəaliyyətinə təsiri ilə bağlı maraqlı məqamlar açıqlanıb.

BAKU.WS xəbər verir ki, mütəxəssislərin sözlərinə görə, saqqız çeynəmək qısa müddət ərzində diqqəti artırmağa və insanın fokuslanmasına kömək edə bilər.

Bildirilir ki, çeynəmə prosesi beynin sensor və motor fəaliyyətinə cavabdeh olan hissələrini aktivləşdirir, eyni zamanda beynin diqqət və davranış nəzarəti ilə əlaqəli bölgələrində qan dövranını sürətləndirir. Bu isə müvəqqəti olaraq diqqətin və planlaşdırma qabiliyyətinin yaxşılaşmasına səbəb olur.

Araşdırmalara görə, saqqız çeynəmək monoton iş zamanı yuxululuğun azalmasına və rutin tapşırıqlara daha rahat köklənməyə kömək edə bilər. Bununla belə, bu təsirin uzunmüddətli olmadığı vurğulanır. İnsan saqqız çeynəməyi dayandırdıqdan sonra həmin müsbət təsir də qısa müddətdə azalır.

Mütəxəssislər qeyd edirlər ki, mürəkkəb düşüncə və güclü qısamüddətli yaddaş tələb edən işlər zamanı saqqız əksinə diqqəti yayındıra bilər. Buna görə də onu beyin fəaliyyətini artıran əsas vasitə hesab etmək düzgün sayılmır.

Bundan başqa, saqqızın həddindən artıq istifadəsinin bəzi hallarda həzm sisteminə də mənfi təsir göstərə biləcəyi bildirilir. Xüsusilə köp və qaz problemi olan insanlarda saqqız çeynəməyin ağız qoxusunu və şişkinliyi artıra biləcəyi qeyd olunur.

Oxşar xəbərlər

Həyatda yaxşı şeyləri niyə görmürük? - Tanınmış simaların FİKİRLƏRİ

WUF13-ün beşinci günündən maraqlı anlar - FOTOREPORTAJ

Apreldə Türkiyəyə yağan qarın hündürlüyü hamını təəccübləndirdi

Bakıdakı hərbi paraddan maraqlı FOTOLAR

Çağla Şıkel səhər yeməyi ilə hamını təəccübləndirdi