Azərbaycanın Ümumdünya Şəhərsalma Forumunun 13-cü sessiyası (WUF13) kimi böyük tədbirlərin keçirilməsində təcrübəsi var və öz töhfəsini verməyə hazırdır.

Bu fikri "Far.Az"a açıqlamasında politoloq Fikrət Sadıqov deyib.

O qeyd edib ki, Azərbaycan forumda qaldırılan məsələlərə öz mövqeyini bildirib və bundan sonra da bəzi dövlətlərlə əməkdaşlığa hazır olduğunu sessiyada nümayiş etdirib:

"Şəhərsalma problemləri dialoq formatında xüsusi sessiyalar çərçivəsində müzakirə olunub. Yenə də bir sıra mövqelər səsləndirilərək sonrakı əməkdaşlığın vacibliyi qeyd edilib. Nümayəndə heyətlərinin üzvləri tərəfindən Bakının tədbirə ev sahibliyinə yüksək səviyyədə hazır olduğu xüsusi qeyd edilib.

Şəhərsalma və urbanizasiya ilə əlaqədar hər bir ölkənin öz xüsusiyyətləri var. Məsələn, Azərbaycanda Qarabağ müharibəsindən sonra mina təhlükəsi hələ də qalmaqdadır. Biz problemi tam həll etməyə çalışırıq. Burada beynəlxalq təşkilatların da dəstəyi lazımdır. Çünki minalarla çirkləndirmə təhlükəsizliyə ciddi risklər yaradır. Azərbaycan bununla əlaqədar bir sıra ölkələrlə əməkdaşlığa çağırışlar da edib".

F. Sadıqov hesab edir ki, "Bakı Fəaliyyətə Çağırış" sənədində urbisid anlayışına xüsusi diqqət ayrılması da mühüm məqamlardan biridir:

"Çünki müharibələr zamanı şəhərlərin, yaşayış məntəqələrinin, mədəni irsin məqsədli şəkildə dağıdılması beynəlxalq təhlükəsizlik və humanitar hüquq məsələsidir. Tamamilə haqlı olaraq Azərbaycan işğaldan azad edilmiş ərazilərdə üzləşdiyi genişmiqyaslı dağıntılar fonunda mövzunun sessiyada və qlobal miqyasda gündəmə gətirməklə gələcəkdə oxşar hallara beynəlxalq reaksiyanın daha sürətli olmasını görmək istəyir.

WUF13-də 27 dövlət və hökumət başçısı iştirak edib. Forum çərçivəsində 150 nazir, 130 şəhər meri, BMT baş katibinin müavini və digər yüksək səviyyəli rəsmilər iştirak ediblər. Bu da tədbirin yüksək səviyyədə qəbul edildiyinin göstəricisidir".

Oxşar xəbərlər

WUF13 yüksəksəviyyəli sessiyalar və rekord sayda iştirakçı ilə uğurla başa çatıb

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib