Uqanda Ebola virusunun yayılma riskini azaltmaq məqsədilə Konqo Demokratik Respublikası (KDR) ilə sərhədi müvəqqəti bağlayıb.

"Report" xəbər verir ki, bu barədə ölkənin Səhiyyə Nazirliyi "X" sosial şəbəkə hesabında məlumat yayıb.

Qərarın dərhal qüvvəyə mindiyi vurğulanıb.

Epidemiyaya müdaxilə qrupları, humanitar əməliyyatlar, ərzaq və yük daşınması, həmçinin təhlükəsizlik xidməti əməkdaşları üçün sərhəd açıqdır.

Bildirilib ki, ölkəyə giriş-çıxış edən bütün şəxslər ciddi tibbi nəzarətdən keçəcək və ehtimal olunan yerləşmə ünvanını göstərən anketləri dolduracaqlar.

Bundan əlavə, KDR-dən Uqandaya qayıdan vətəndaşlar Səhiyyə Nazirliyinin və rayon epidemioloji nəzarət xidmətlərinin nəzarəti altında 21 günlük təcrid olunacaqlar.

Oxşar xəbərlər

Ağsu dolaylarındakı son durum: Sürüşmə riskini azaltmaq üçün tədbirlər görülür

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Bakıda WUF13-ün Sessiyasının açılış mərasimi keçirilib, Prezident İlham Əliyev çıxış edib

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

II və III ixtisas qrupları üzrə ali məktəblərə qəbul imtahanı keçirilib