Paytaxtın Nərimanov rayonunda piyadaların sərbəst və təhlükəsiz hərəkətini məhdudlaşdıran obyekt sakinlərin narazılığına səbəb olub. Belə ki, Xan Şuşinski küçəsi ilə Həsən Əliyev küçəsinin kəsişməsində yerləşən obyekt səkinin üzərində inşa edilib.

Oxu.Az xəbər verir ki, bu barədə Baku TV-nin videomaterialında bildirilib.

Məsələ ilə bağlı şikayətini bildirən vətəndaşın sözlərinə görə, artıq üç ildir Bakıda yaşayır və hər gün eyni mənzərə ilə qarşılaşır. Obyektin tamamilə səkinin üstündə yerləşdiyini deyən sakinin sözlərinə görə, tikili hətta işıqforun da qarşısını kəsib.

Məsələnin hüquqi tərəflərini şərh edən hüquqşünas Vüsal Cəfərov bildirib ki, tikinti işləri aparılmaqla səkilərin zəbt olunması Şəhərsalma və Tikinti Məcəlləsinə əsasən, müfəssəl planın pozulması deməkdir.

Hüquqşünasın sözlərinə görə, İnzibati Xətalar Məcəlləsinin 394-cü maddəsinə əsasən, belə bir əməli törətmiş fiziki şəxslər 300 manatdan 500 manata qədər, vəzifəli şəxslər 1 500 manatdan 2 500 manata qədər, hüquqi şəxslər isə 15 min manatdan 25 min manata qədər cərimə oluna bilərlər.

Nərimanov Rayon Mənzil-Kommunal Təsərrüfatı Birliyindən isə qeyd olunub ki, sözügedən tikili uzun illər öncə inşa edilib: "Həmin obyektin sökülməsi yalnız məhkəmənin müvafiq qərarı əsasında həyata keçirilə bilər".

Oxşar xəbərlər

Prezident İlham Əliyev Bakının İslam Səfərli küçəsinin yenidənqurmadan sonra açılışında iştirak edib

WUF13-ün beşinci günündən maraqlı anlar - FOTOREPORTAJ

Bu gün paytaxtın 555 küçəsi yuyuldu

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2