ABŞ Hərb Nazirliyi Yaxın Şərqdə müharibə zamanı ziyan dəymiş bəzi hərbi bazalardan qoşunların çıxarılması ehtimalını istisna etmir.

Oxu.Az TASS agentliyinə istinadən xəbər verir ki, bu barədə ABŞ-nin hərb naziri Pit Heqset Sinqapurdakı ABŞ səfirliyində jurnalistlərlə söhbətində bildirib.

"Qərarı prezident Tramp verəcək və bu, onun gələcək strategiyasından asılı olacaq. Biz regiondakı tərəfdaşlıq əlaqələrimizi yüksək qiymətləndiririk. Bu qərarlar nəticəyə əsasən qəbul ediləcək", - deyə Heqset bildirib.

Heqset əlavə edib ki, hazırda ABŞ hərbçiləri mövqelərini saxlayır və lazım gələrsə, yenidən əməliyyatlara qoşulmağa hazırdırlar.

O, həmçinin İranın ABŞ ilə danışıqlar nəticəsində nüvə ambisiyalarından imtina edəcəyinə inandığını bildirib və gələcək razılaşmanın ABŞ xalqının maraqlarına uyğun olacağını vurğulayıb.

Oxşar xəbərlər

Vətən müharibəsində Qələbənin beşinci ildönümünə həsr olunmuş Hərbi parad keçirilib

Kiyevə raket hücumu zamanı Azərbaycanın Ukraynadakı səfirliyinə ciddi ziyan dəyib

Pentaqon rəhbəri ABŞ qoşunlarının Yaxın Şərqdəki bazalardan çıxarılmasını istisna etməyib

12 mart - Daxili Qoşunların yaranması günüdür

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib