Vaşinqton yaxın iki-üç il ərzində bir sıra silah növlərinin istehsalını bir neçə dəfə artırmağı planlaşdırır.

"Report"un məlumatına görə, bu barədə Pentaqonun rəhbəri Pit Heqset Sinqapurda keçirilən beynəlxalq təhlükəsizlik konfransında bəyan edib.

"Biz ən qısa zamanda sursat istehsalını iki, üç, hətta dörd dəfə artırmaq üçün hərbi sənaye kompleksimizin gücünü möhkəmləndiririk", - o vurğulayıb.

Heqset ən çox tələb olunan sursatların istehsalı üçün yüzlərlə istehsal xəttinin istifadəyə verilməsini elan edib. Onun sözlərinə görə, ABŞ bunun üçün yeni zavodlar tikməyi planlaşdırır.

Pentaqon rəhbəri həmçinin İrana qarşı hərbi əməliyyatları yenidən başlatmaq zərurəti yaranarsa, idarənin ehtiyatları barədə fikirlərini bildirib.

"Lazım gələrsə, biz [İrana qarşı döyüş əməliyyatlarını] tam şəkildə yenidən başlatmağa qadirik. Ehtiyatlarımız bunun üçün kifayət qədərdir, həm orada (regionda - red.), həm də bütün dünyada, çünki biz daha dəyərli sursatları və böyük həcmdə mövcud olanları balanslaşdırılmış şəkildə tətbiq edirik", - Heqset əlavə edib.

Oxşar xəbərlər

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

Prezident İlham Əliyev XII Qlobal Bakı Forumunun açılış mərasimində çıxış edib