ABŞ Kosmik Qüvvələri və "SpaceX" şirkəti hava hədəflərinin kosmosdan aşkarlanması və müşayiət edilməsi üçün nəzərdə tutulan orbital aparatlar qrupunun yerləşdirilməsinə dair 4,16 milyard dollar dəyərində müqavilə imzalayıb.

"Report"un məlumatına görə, bu barədə Kosmik Qüvvələrin mətbuat xidmətindən bildirilib.

"SpaceX"in gələcək peyk qrupu ABŞ Kosmik Qüvvələrinin Milli Hərbi Kosmik Kəşfiyyat İdarəsinin iştirakı ilə həyata keçirdiyi "Kosmik Bazalı Hava Hərəkətli Hədəf Göstəricisi" proqramı çərçivəsində yaradılır.

Komandanlığın bəyanatına görə, kosmik aparatlar mövcud hava müşahidə vasitələrinə əlavə olacaq. Onlara indiyədək yerüstü radiolokasiya stansiyaları və uzaq məsafədən radiolokasiya aşkarlama təyyarələri tərəfindən yerinə yetirilən funksiyalar həvalə edilir.

Müqavilənin şərtlərinə əsasən, "SpaceX" peyk qrupunu 2028-ci ilədək yerləşdirməlidir. Kosmik Qüvvələrinin komandanlığı qrupa daxil olacaq aparatların dəqiq sayını açıqlamayıb.

Peyklərin həmçinin "Qızıl günbəz" raket əleyhinə müdafiə sisteminin yaradılması proqramı kontekstində raket buraxılışlarının izlənilməsi üçün istifadə olunacağı gözlənilir.

Oxşar xəbərlər

Prezident İlham Əliyev Xocalıda hərbi qulluqçular üçün nəzərdə tutulan fərdi evlərdə yaradılmış şəraitlə tanış olub

Lökbatandakı yanğına helikopterlər indiyədək 200 ton su töküb - YENİLƏNİB-4

Lökbatandakı yanğına helikopterlər indiyədək 150 ton su töküb - YENİLƏNİB-4

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN