ABŞ-nin Vaşinqton ştatında Lonqvyu şəhərindəki Nippon Dynawave Packaging müəssisəsində kimyəvi maddənin olduğu çənin partlaması nəticəsində ölənlərin sayı 11 nəfərə çatıb.

"Report" "Reuters" agentliyinə istinadən xəbər verir ki, xilasetmə qüvvələri itkin düşmüş hesab edilən doqquz nəfərin hamısının meyitini aşkar edib.

Qəza mayın 26-da sellüloz-kağız zavodunda baş verib. Çəndə təxminən 900 min qallon və ya 3,4 milyon litr "ağ qələvi" adlanan kağız kütləsinin istehsalında istifadə olunan natrium hidroksid və natrium sulfid məhlulu olub.

Yerli hakimiyyət orqanlarının məlumatına görə, çirkləndirici maddələrin bir hissəsi Kolumbiya çayına düşüb. Bununla belə, Lonqvyu şəhərində hava və içməli suyun keyfiyyətinə mənfi təsir hələlik aşkar edilməyib.

Xatırladaq ki, "Nippon Dynawave Packaging" Yaponiyanın "Nippon Paper Industries" şirkətinin törəmə strukturudur.

Oxşar xəbərlər

"Kağız gətir - kitab apar" sosial-ekoloji layihəsinə start verildi

DYMX Neft Emalı Zavodunda yanğın-taktiki təlim keçirib

FHN zavodda təlim keçirdi

İlham Əliyevin sədrliyi ilə Bakı və Abşeronda su təchizatına dair Dövlət Proqramına həsr olunan müşavirə keçirilib - YENİLƏNİB

İlham Əliyev Vaşinqtonda Sülh Şurasının ilk iclasında iştirak edib