ABŞ Silahlı Qüvvələri İrana qarşı tətbiq edilən ayyarımlıq dəniz blokadası nəticəsində beş gəmini sıradan çıxarıb.

"Report" xəbər verir ki, bu barədə ABŞ Silahlı Qüvvələrinin Mərkəzi Komandanlığı (CENTCOM) "X" sosial şəbəkəsində məlumat yayıb.

"Mayın 31-nə olan məlumata görə, 118 kommersiya gəmisinin marşrutu dəyişdirilib, 5 gəmi isə sıradan çıxarılıb", - paylaşımda qeyd olunub.

İranın dəniz blokadası əməliyyatına amerikalı hərbçilər tərəfindən aprelin 13-də başlanılıb. CENTCOM İslam Respublikasının limanlarına doğru hərəkət edən, həmçinin onun sahillərini tərk etməyə cəhd göstərən bütün gəmilərin hərəkətini bloklamaq niyyətində olduğunu bəyan edib. Öz növbəsində, İran Fars körfəzi ölkələrinə istiqamətlənən gəmilər üçün Hörmüz boğazını bağladığını elan edib. Regiondakı vəziyyət qlobal enerji böhranına səbəb olub.

Xatırladaq ki, fevralın 28-də ABŞ və İsrail İrana qarşı hərbi əməliyyatlara başlayıb və bir sıra şəhərlərə hava zərbələri endirilib. İran buna cavab olaraq İsrail ərazisinə və Fars körfəzi ölkələrindəki ABŞ hərbi bazalarına hücum edib.

İran, ABŞ və onların müttəfiqləri aprelin 8-ə keçən gecə atəşkəs razılaşmasına nail olublar. ABŞ Prezidenti Donald Tramp sonradan atəşkəsi qeyri-müəyyən müddətə uzadıb. Tərəflər münaqişəni həll etmək üçün Pakistanda danışıqlar aparıblar, lakin 11-12 apreldə keçirilən ilk raund heç bir nəticə verməyib.

Oxşar xəbərlər

Prezident İlham Əliyev Bakının İslam Səfərli küçəsinin yenidənqurmadan sonra açılışında iştirak edib

Vətən müharibəsində Qələbənin beşinci ildönümünə həsr olunmuş Hərbi parad keçirilib

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2