Azərbaycanın maliyyə naziri Samir Şərifov və Birləşmiş Ərəb Əmirliklərinin (BƏƏ) maliyyə məsələləri üzrə dövlət naziri Məhəmməd Əl Hüsseini Dubayda keçirilən görüşdə iki ölkə arasında maliyyə sektorunda əməkdaşlığın gücləndirilməsi məsələlərini müzakirə ediblər.

"Far.Az" xəbər verir ki, bu barədə BƏƏ-nin Maliyyə Nazirliyinin “X” sosial şəbəkəsindəki hesabında paylaşım edilib.

“Əl Hüsseini Azərbaycanın maliyyə naziri ilə görüşüb, bir sıra sahələrdə əməkdaşlığın genişləndirilməsi yollarını, o cümlədən iki ölkə arasında 2024-cü ilin yanvarında imzalanmış maliyyə sahəsində əməkdaşlığa dair Anlaşma Memorandumunun həyata keçirilməsini müzakirə edib”, - paylaşımda qeyd edilib.

Bu sənəd dövlət büdcəsinin idarə edilməsi, maliyyə, İT sistemləri və dövlət borcunun idarə edilməsi də daxil olmaqla kritik sahələrdə əməkdaşlığa kömək edib.

KİV yazır ki, görüşdə BƏƏ ilə Azərbaycan arasında davamlı maliyyə və iqtisadi əlaqələrin mövcudluğu vurğulanıb. Hər iki tərəf davamlılıq, iqlimin maliyyəsi və iqtisadi inkişaf sahələrində əməkdaşlığın inkişafına sadiq olduqlarını bir daha təsdiqləyiblər.

“Əl Hüsseini qeyd edib ki, BƏƏ Azərbaycanla qurulmuş sarsılmaz münasibətlə qürur duyur. O, Azərbaycanın COP29-un ev sahibi kimi qarşıdan gələn rolunu vurğulayaraq bunu iqlim dəyişikliyi ilə mübarizə üzrə qlobal səyləri sürətləndirmək üçün mühüm fürsət kimi gözdən keçirib”, - məlumatda bildirilib.

S.Şərifov BƏƏ ilə Azərbaycan arasında əlaqələri yüksək qiymətləndirib, Bakının maliyyə sektorunda təcrübə mübadiləsində və ümumi prioritetlər üzrə əməkdaşlığı gücləndirməkdə maraqlı olduğunu qeyd edib.

Oxşar xəbərlər

XİN başçısı BMT BA-nın 79-cu sessiyasında çıxış edib - YENİLƏNİB

“Dövlət informasiya ehtiyatlarının və sistemlərinin Nümunəvi Əsasnaməsi” təsdiq edilib

İqtisadi inkişafda davamlı artan rəqabətli iqtisadiyyatın rolu - ANALİZ

İlham Əliyev V “ADEX-2024” və “Securex Caspian” sərgiləri ilə tanış olub - YENİLƏNİB-2

Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4