Portuqaliyalı hücumçu Kriştiano Ronaldo cümə axşamı başlayan Dünya Kubokunda iştirak edən ən çox qazanan futbolçuların siyahısına başçılıq edib.

"Report" xəbər verir ki, bu barədə "Forbes" jurnalı məlumat yayıb.

Səudiyyə Ərəbistanının "Əl-Nəsr" klubunun hücumçusu son 12 ayda 300 milyon dollar qazanıb ki, bunun 235 milyon dolları futboldan, 65 milyon dolları isə reklamlardan əldə edilib. Ronaldo əvvəllər reytinq tarixində rekord maaşla ən çox qazanan idmançıların siyahısına başçılıq edirdi.

Forbes siyahısında cəmi 11 futbolçu yer alıb. Argentinalı Lionel Messi 140 milyon dollarla ikinci, fransalı Kilian Mbappe isə 95 milyon dollarla üçüncü yerdədir. Növbəti sırada norveçli Erlinq Haland (80 milyon dollar), braziliyalı Vinisius (60 milyon dollar), Misirli Məhəmməd Salah (55 milyon dollar), seneqallı Sadio Mane (54 milyon dollar), ingiltərəli Cud Bellinqem (44 milyon dollar), ispaniyalı Lamin Yamal (43 milyon dollar), ingiltərəli Harri Keyn (41 milyon dollar) və braziliyalı Neymar (38 milyon dollar) gəlir.

Dünya Kuboku 11 iyun - 19 iyul tarixlərində ABŞ, Meksika və Kanadada keçiriləcək. Turnirdə ilk dəfə olaraq 48 komanda iştirak edəcək.

Oxşar xəbərlər

DÇ-2026-nın ən böyük ulduzları: Ronaldo, Messi, Mbappe və digərləri

WUF13 yüksəksəviyyəli sessiyalar və rekord sayda iştirakçı ilə uğurla başa çatıb

"Sabah" Azərbaycan Kubokunun 2025/2026 mövsümünün qalibi olub - YENİLƏNİB-6

Azərbaycanın ilk beynəlxalq kardiologiya jurnalı – Journal of Heart Disease and Therapy – 3-cü nömrəsini təqdim edilib

Messi taxtını qoruyacaq, yoxsa Ronaldu arzularına çatacaq? - Tarixi turnirə geri sayım başladı