Xarici ticarət əməliyyatlarının rəsmiləşdirilməsi sisteminin əhatəsinin optimallaşdırılması şəraitində gömrük orqanları xətti ilə büdcə gəlirlərinin yığımı proqnozunun illər üzrə artan yekunla müəyyənləşdirilməsi təcrübəsinə yenidən baxılmalıdır.

"Far.Az" xəbər verir ki, bunu Hesablama Palatasının sədri Vüqar Gülməmmədov Milli Məclisin növbədənkənar sessiyasının bu gün keçirilən iclasında - "2025-ci il dövlət büdcəsinin icrası haqqında" qanunun layihəsinin müzakirəsi zamanı bildirib.

"Yəni, idxal yığımlarının timsalında fiskal yükü ölkəmizin gömrük sərhədlərində optimallaşdırmaqla vergi intizamına əməl edən rezidentlərimizin iqtisadi aktivliyinin daha da təşviqinə üstünlük verməliyik", - deyə o qeyd edib.

Onun sözlərinə görə, idxalda ƏDV və gömrük rüsumları üzrə proqnoz göstəricilərin hesablanmasında milli iqtisadiyyatımızın əsas hədəfləri - yerli istehsalın və ölkədaxili iqtisadi aktivliyin stimullaşdırılması üçün güzəştlərin və azadolmaların genişləndirilməsi kimi konseptual yanaşmalar diqqət mərkəzində saxlanılmalıdır: "2025-ci ilin gömrük orqanları xətti ilə büdcə gəlirlərinin icrası, o cümlədən, ƏDV üzrə 5,4 %-lik, idxal gömrük rüsumları üzrə 3,7 %-lik kəsirlər səsləndirdiyim təklifə baxılma zərurətini bir daha göstərir".

Oxşar xəbərlər

Bakıda WUF13-ün Sessiyasının açılış mərasimi keçirilib, Prezident İlham Əliyev çıxış edib

Prezident Davosda "Avrasiyanın iqtisadi özünəməxsusluğunun müəyyənləşdirilməsi" mövzusunda panel iclasında iştirak edib

Mehriban Əliyeva Vatikanda Müqəddəs Komodilya katakombalarının bərpası layihəsinin açılışında iştirak edib

Bakıda Ümumdünya Şəhərsalma Forumunun 13-cü Sessiyasının açılış mərasimi keçirilir Prezident İlham Əliyev çıxış edib

Bakıda WUF13-ün Sessiyasının açılış mərasimi keçirilib, Prezident İlham Əliyev çıxış edib - YENİLƏNİB-4