Azərbaycan boksçuları iyunun 15-də Çinin Quyyan şəhərində start götürəcək Dünya kubokunda mübarizə aparacaqlar.

Bu barədə "Report"a Azərbaycan Boks Federasiyasından məlumat verilib.

Yarış 7 gün davam edəcək.

Kişilərdən ibarət komandanın baş məşqçisi Ravşan Xocayev reytinq xarakterli Dünya Kubokunda Sübhan Mamedov (50 kq), Amin Məmmədzadə (55 kq), Məhəmmədəli Aşırəliyev (60 kq), Malik Həsənov (65 kq), Nəbi İsgəndərov (70 kq), Səidcəmşid Cəfərov (75 kq), Murad Allahverdiyev (80 kq) və Alfonso Dominqesə (90 kq) şans verəcək.

Çimkənddə təlim-məşq toplanışında olan boksçularımız Quyyana Qazaxıstandan yollanacaqlar. Dünya kubokunun püşkü iyunun 14-da atılacaq.

Qeyd edək ki, millimiz Braziliyada keçirilən ilin ilk Dünya Kubokunda 3 qızıl, 1 bürünc medal qazanıblar.

Oxşar xəbərlər

Ucuz qiymətə qızıl almaq istəyənləri SEVİNDİRƏCƏK XƏBƏR

Bankda olan mənzillər təcili satışa çıxarıldı - QİYMƏTLƏR

Azərbaycan boksçuları İslamiadanı 6 medalla başa vurub

Ali məktəblərə qəbulun nəticələri açıqlanıb

Üzgüçülük üzrə Azərbaycan çempionatı başa çatıb - YENİLƏNİB