Türkiyənin xarici işlər naziri Hakan Fidan Qətərin Baş naziri və xarici işlər naziri Şeyx Məhəmməd bin Əbdülrəhman bin Casim Al Tani, eləcə də ABŞ-li nümayəndələrlə telefon danışığı həyata keçirib.

"Far.Az" xəbər verir ki, bu barədə "TRT Haber" Türkiyə Xarici İşlər Nazirliyindəki mənbələrə istinadən məlumat yayıb.

Məlumata görə, telefon danışıqları zamanı ABŞ və İran arasında davam edən danışıqlar ətrafında fikir mübadiləsi aparılıb.

Tərəflər danışıqlarda regional və beynəlxalq məsələləri müzakirə edib, xüsusilə Vaşinqton və Tehran arasında aparılan diplomatik prosesin gedişatına dair qiymətləndirmələr aparıblar.

"Hakan Fidan Türkiyənin danışıqlar prosesinin ən qısa zamanda nəticə verməsini və davamlı sülhün təmin olunmasını arzuladığını bildirib. O, həmçinin Ankaranın bundan sonra da diplomatik təşəbbüslərə və danışıqlar prosesinə dəstəyini davam etdirəcəyini vurğulayıb", - məlumatda qeyd olunub.

Oxşar xəbərlər

İlham Əliyev Şeyx Məhəmməd bin Zayed Al Nəhyana Qarabağ atı hədiyyə edib

Əbdülrəhman bin Casim Al Tani: İran münaqişə zonasını genişləndirmək istəyir

İranın XİN başçısı: Qətərlə dostluq əlaqələrini qorumağa çalışırıq

Banqladeş, Qətər, Pakistan vətəndaşları İrandan Azərbaycana təxliyə olunub

Al Tani: Hörmüz boğazından sövdələşmə vasitəsi kimi istifadə böhranı daha da dərinləşdirəcək