Merey Mukajan: "TDT-yə üzv ölkələr arasında iqtisadi-ticarət əlaqələri mövcud potensiala uyğun deyil"
Türk Dövlətləri Təşkilatına (TDT) daxil olan üzv və müşahidəçi dövlətlərin ümumi iqtisadi potensialı artım göstərsə də, təşkilat çərçivəsində ticarət və iqtisadi münasibətlər hələ ki, real imkanlardan xeyli geridə qalmaqdadır.
"Report"un Şuşaya ezam olunmuş əməkdaşı xəbər verir ki, bunu TDT-nın Baş katibinin müavini Merey Mukajan "Türk Dövlətləri Təşkilatı ölkələrinin rəqabət qurumları rəhbərlərinin 3-cü iclası və Rəqabət Forumu"nda bildirib.
O qeyd edib ki, türk dövlətlərinin qlobal iqtisadi sistemdə daha möhkəm yer tutması üçün iqtisadi əməkdaşlığın daha da dərinləşdirilməsi böyük önəm kəsb edir.
"Rəqabət qurumları bu prosesdə əhəmiyyətli rol oynayır. Səmərəli rəqabət siyasəti innovasiyaların həvəsləndirilməsinə, məhsuldarlığın yüksəldilməsinə, investisiya axınının gücləndirilməsinə və istehlakçı hüquqlarının müdafiəsinə xidmət edir", - M. Mukajan bildirib.
O vurğulayıb ki, TDT məkanında iqtisadiyyatın modernləşdirilməsi, rəqəmsal əlaqələrin möhkəmləndirilməsi və innovasiyaların dəstəklənməsi əsas prioritet istiqamətlərdən biri kimi qalmaqdadır.
"İqtisadi modernləşmə və rəqəmsal bağlantılar regional gündəmin mərkəzində olmalıdır. İqtisadi əməkdaşlıq bu il Türkiyədə təşkil ediləcək Türk Dövlətləri Təşkilatının XIII Zirvə toplantısının başlıca mövzularından birini təşkil edəcək. Təşkilat daha inteqrasiya olunmuş və perspektivə yönəlmiş maliyyə ekosisteminin yaradılması istiqamətində ardıcıl addımlar atmağa davam edir. Bu prosesdə rəqabət qurumlarının dəstəyi və təcrübəsi xüsusi önəm daşıyır. Regional rəqabət siyasəti çərçivəsinin hazırlanması üzv dövlətlərin siyasətlərinin harmonizasiyasına və transsərhəd problemlərin aradan qaldırılmasına töhfə verə bilər", - TDT-nın Baş katibinin müavini qeyd edib.
Oxşar xəbərlər
İlham Əliyev TDT-yə üzv dövlətlərin hökumət başçılarının görüşünün iştirakçılarını qəbul edib
Şuşada TDT-nin rəqabət qurumları rəhbərlərinin 3-cü iclası və Rəqabət Forumu keçirilir
İlham Əliyev Türküstanda TDT-nin qeyri-rəsmi Zirvə görüşündə iştirak edib
Bakıda TDT Xəritəçəkmə Qurumları Rəhbərlərinin ikinci iclası keçirilib, bəyannamə qəbul edilib
Vətən müharibəsində Qələbənin beşinci ildönümünə həsr olunmuş Hərbi parad keçirilib
Ən son xəbərləri bizim
"Facebook" səhifəmizdə izləyin
Digər xəbərlər
-
Çexiya və ABŞ arasında qaz tədarükü ilə bağlı razılaşmanın yekun variantı razılaşdırılıb
-
ABŞ-də Gmail və Outlook poçt xidmətlərinin fəaliyyətində fasilələr yaranıb
-
UEFA Millətlər Liqasında qrup mərhələsinin son oyunları keçirilib
-
Nvidia direktorlar şurası Censen Huangi baş direktor vəzifəsinə qaytarmaq niyyətində deyil
-
NATO Ukraynaya ABŞ silahları almaq üçün 10 milyard dollardan çox xərcləyib
-
Norveçdə pensiya yaşı artırıla bilər













