Bu gün Azərbaycanda 2025-2026-cı tədris ili başa çatır və bütün ümumi təhsil müəssisələrində "Son zəng" çalınır.

BAKU.WS PhotoStock.az-a istinadən xəbər verir ki, bu tədris ilində Azərbaycanda 116 550 şagird məzun olur.

Onlardan 55 min 954 nəfəri qız, 60 min 596-sı isə oğlandır. İşğaldan azad edilmiş ərazilərdə yerləşən 25 ümumi təhsil müəssisəsində də "Son zəng" tədbiri keçirilir, 171 məzun məktəblə vidalaşır.

2015-ci ildən etibarən Azərbaycanın məktəblərində "Son zəng" mayın 31-də deyil, iyunun 14-də təşkil olunur. Bu il bütün dövlət ümumtəhsil müəssisələrində ənənəvi olaraq "Son zəng" tədbiri iyunun 14-nə düşsə də, həmin tarix bazar gününə təsadüf edir. Bu səbəbdən "Son zəng" iyunun 13-də keçirilib.

Bu gün ölkənin digər ümumtəhsil müəssisələri kimi Bakı şəhəri Mikayıl Müşfiq adına 18 nömrəli tam orta məktəbdə də "Son zəng" tədbiri keçirilir, məzunlar məktəblə vidalaşırlar.

Qalereya

Oxşar xəbərlər

Leyla Əliyeva və Alyona Əliyeva Qubada internat tipli ümumtəhsil məktəbini və STEAM mərkəzini ziyarət ediblər

Azərbaycan məktəblərində "Son zəng" həyəcanı - FOTOREPORTAJ

Leyla Əliyeva və Alyona Əliyeva Müstəqillik Gününə həsr olunmuş konserti izləyiblər

"SOCAR Könüllüləri"nin Məzun Günü və müsabiqəsi keçirilib

Azərbaycan məktəblərində 263 müəssisədə sanitar pozuntu aşkarlanıb