"Orta Dəhliz"in əsas həlqələrindən biri olan Gürcüstan Qərbi Balkan regionu ilə əməkdaşlığın genişləndirilməsində maraqlıdır.

"Far.Az"un yerli bürosu xəbər verir ki, bunu Gürcüstan Prezidenti Mixeil Kavelaşvili Serbiya Respublikasının Prezidenti Aleksandar Vuçiç ilə təkbətək görüşündə deyib.

Onun sözlərinə görə, bu, Avropa ilə Asiya arasında nəqliyyat-logistika əlaqələrinin inkişafına əlavə töhfə verə bilər.

Liderlər görüş zamanı regional və qlobal proseslərə də toxunaraq, sülhün, təhlükəsizliyin və sabitliyin qorunmasının vacibliyini vurğulayıblar. Qeyd edilib ki, beynəlxalq münasibətlər sistemində baş verən dəyişikliklər fonunda həm Cənubi Qafqazda, həm də Qərbi Balkanlarda sabitliyin təmin olunması xüsusi əhəmiyyət daşıyır.

Kavelaşvili qeyd edib ki, Tbilisi Cənubi Qafqazda uzunmüddətli sabitliyin təmin edilməsinə və qonşu dövlətlər arasında qarşılıqlı etimadın möhkəmləndirilməsinə yönəlmiş siyasətini davam etdirəcək.

Qeyd edək ki, iyunun 15-də Serbiya Prezidenti Aleksandar Vuçiçin Gürcüstana səfəri başlayıb. Səfər iyunun 17-də bitəcək.

Oxşar xəbərlər

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

Xankəndidə İqtisadi Əməkdaşlıq Təşkilatının 17-ci Zirvə görüşü keçirilib, İlham Əliyev çıxış edib

İlham Əliyev "Bakı Enerji Həftəsi"nin rəsmi açılış mərasimində iştirak edib - YENİLƏNİB-3

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

İlham Əliyevin Slovakiya Milli Şurasının sədri ilə təkbətək və geniş tərkibdə görüşləri olub