Qusar rayonunda həmkəndlisinin qulağını dişləyən şəxsə hökm oxunub.

BAKU.WS oxu.az-a istinadən xəbər verir ki, hadisə rayonun Yasab kəndində baş verib.

Kənd sakini, 1997-ci il təvəllüdlü Azik Mamedov (soyadı şərtidir - red.) həmkəndlisi Mövlanla mübahisə edib. Belə ki, Mövlan ona zəng vuraraq görüşmək istədiyini bildirib. Həmkəndlilər kənd ərazisində görüşüblər və aralarında mübahisə yaranıb.

Mövlan Azikə deyib ki, guya onun ailə üzvləri barədə yalan məlumat yayıb. Azik məsələdən xəbərsiz olduğunu desə də, Mövlan ona inanmayıb və üzərində gəzdirdiyi bıçaqla Azikin sinəsinə zərbə endirib.

Azik qışqıraraq ailə üzvlərini köməyə çağırıb. Azikin qohumları hadisə yerinə gələrək bıçağı Mövlanın əlindən almağa çalışsalar da, buna nail ola bilməyiblər. Mövlan bıçağı möhkəm saxlayaraq onu heç kimə verməyib.

Həmin vaxt çarəsiz qalan Azik Mövlanın qulağını dişləyərək ona xəsarət yetirib. Bundan sonra Mövlan bıçağı yerə atıb.

Hadisə yerinə polis əməkdaşları gəliblər, Azik saxlanılıb. Faktla bağlı cinayət işi başlanılıb və iş məhkəməyə göndərilib.

Məhkəmənin hökmü ilə A.Mamedov 3 il müddətinə azadlıqdan məhrum edilib. Məhkəmə tərəflər arasında barışıq əldə olunduğunu nəzərə alaraq ona Cinayət Məcəlləsinin 70-ci maddəsini tətbiq edib və cəzasını şərti hesab edib.

Oxşar xəbərlər

İlham Əliyev Xocavəndin Xanoba kəndində fərdi evlərin və infrastrukturun bərpası sahəsində görülən işlərlə tanış olub

Prezident İlham Əliyev Şuşanın Böyük Qaladərəsi kəndində görülən işlərlə tanış olub, sakinlərlə görüşüb

Prezident və birinci xanım Şükürbəyli kəndinə köçən sakinlərlə görüşüblər - YENİLƏNİB

Doğulanda həkimin əlindən düşən, övladını itirən, depressiyadan çıxa bilməyən, 35 yaşında vəfat edən Ece İrtemin HEKAYƏSİ

"Qaraçılar məni əhatəyə aldı, bir də gördüm ki…" - Vahid Məcidovla MÜSAHİBƏ